呢個世界，係咪有註定嘅成功者嘅呢？

有嘅，好似呢啲咁。

商台新聞，琴日咁講既：

我有時會諗，呢啲人，已經有錢去英國讀書，咁佢地可以有幾窮呢？咁不如貼埋大床畀佢地去好唔好？畢業後，使唔使包佢地要揾到高薪厚職同買到千萬民房，最後加埋入土為安，加埋無敵背山面海龍脈骨灰龕俾佢地？

呢班人，有幾慘呢？真係要申請左簽證先可以搵機票架咩？機票有幾貴？萬幾兩萬好未？佢已經唔使係香港讀國民教育，唔使考DSE，仲要咁多人幫？９月１８號之前，所有去倫敦嘅機都full load 架啦。如果真係有需要，你估航空公司唔會加開班次？使你立法會議員去幫？我真係唔明，究竟議員係幫咩人服務。你話你係建制派，或者係新民黨，我都明丫。起碼葉太真係為左佢地呢啲人服務。而家泛民都係咁？民主派都係咁？哈哈哈哈。

泛民就係咁。而家畀林特打殘左，就好似三線明星仔咁搵位出新聞。鄺俊宇得閒就整Ｄ個案上到新聞，keep住Ｄ曝光，畀人一個「做到野」既感覺。其他呢？靜晒、停晒。有時，真係好搞笑。你睇得多，你就明白，究竟議員，係為咩人服務。

原載於健吾BLOG

作者：健吾

專欄作家、記者、編輯……商業電台節目《903國民教育》、《光明頂》主持，香港中文大學日本研究學系講師。著書超過40本。email：[email protected] ｜Facebook: facebook.com/kengopage ｜微博：t.sina.com.cn/kengowrites

閱讀後覺得好，請多多讚好及分享～：）