賣旗作為一個慈善義工活動係絕對唔合格

娛網圖片

 

賣旗對香港人黎講絕對唔係一件陌生既事,早十年八年大家係星期三同星期六既朝早出門,基本上都會本能地買一支旗,捐返一兩蚊叫做個「善事」。雖然近年開始多左人關注賣旗機構,擔心會助長共匪或赤化組織而呼籲罷買,但始終改變唔到普遍香港人買旗既習慣。我以下想進行既討論唔關於係咩組織賣旗,而係賣旗呢個行為本身,其實係有相當多問題存在。

關於賣旗,我想講既主要係幾個問題,首先係效益問題。簡單翻查一啲資料,例如2016年一啲機構既賣旗活動,一個早上既戶外賣旗收益大概可以達到十萬至數十萬,如果知名機構進行全港賣旗,數宇會再多一啲,例如公益金,保良局之類,可以高達數百萬。聽落好似好多,但如果我地計返義工既人數同賣旗時間睇睇?就以保良局為例,近年保良賣旗既戶外賣旗收入大概維持係三百萬左右,義工人數大概一萬六千人,如果我地以佢地都賣旗四小時去計算,佢地每一個義工每小時為機構帶黎$46左右既收入。相比起搵一個善長係電視節目上面輕鬆咁送上一張同價值支票,義工既汗水真係白灑一樣。當然,你會話做義工既價值唔應該係咁計,下面會繼續講。

賣旗第二個問題,係機構到底應該點樣收集資金先係合乎正義?舉個例子,如果一間服務深水埗既單位,係賣旗既時候係唔係應該係返深水埗區賣旗呢?善慈活動本身除左捐錢幫人個下善意之外,其實都有資源分配既意義,希望一啲有經濟能力既人捐出少少錢去各機構以提供服務。如果我地真係想達到呢個效果,根本唔應該用現行既方法去處理賣旗籌款。雖然唔係所有賣旗機構都會出現呢個情況,但佢係一個需要考慮既問題。簡單黎講,唔好再去比較貧窮既地區賣旗啦,更甚者,我地應該考慮收集資金既途徑應該向政府、商家埋手,多於向民間收集。

而第三個問題,就係義工發展呢樣野。賣旗義工既四小時,其實係唔係可以做到更多既事呢?可以係探訪,可以係同小朋友玩,可以派飯等等。如果比起四小時為機構帶黎$184左右既收入,真正投身於服務,哪怕係最簡單既工作,其實都比賣旗更有意義。進一步講,賣旗唔能夠為義工帶黎鼓勵,去繼續服務社區,反而係令佢地覺得咁就夠啦。另一方面,對買旗既人黎講,大家都明白,發展到今日,買旗似係買護身符,多過做善事。而同樣地,佢地係買護身符既同時,亦會有「我買左旗,已經夠啦」既感覺,某程度上都係鼓勵唔到佢地去參與義務工作。但其實賣旗之外有好多更加有意義、親力親為接觸有需要人士、更值得花時間既義務工作存在,可惜鼓勵唔到佢地更進一步係當中。
簡單黎講,賣旗既實際效益差,達唔到資源分配既正義,亦無助於整體以至個人既義務工作發展,其實佢既存在除左大家慣左之外我都諗唔到係咩原因,仲要係唔環保,每次賣旗啲旗紙都造成不必要既浪費。而機構團體應該思考既係,如何係壟斷資源既政商人士手上得到更多資源,去服務大眾,以達到資源分配既正義;如何去組織同發展義工,去做更有意義既服務。

 

p.s. 上面其實最主要目標係同啲大機構講,現實黎講,比較細既組織機構籍住賣旗宣傳自己我無意見。但大方向我認為都要向上述既方向行,改變呢個已成為例行公事既唔合格慈善活動

 

關於作者:木人里

一個心地善良既仆街。

我有回應

則留言

閱讀後覺得好,請多多讚好及分享~:)

其他熱門文章

  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
歡迎讚好我們的facebook page,免費資訊源源送上。