其實男朋友唔係專業攝影師。

 

身為一個專業嘅男朋友,幫女朋友影相係一個必備嘅技能——依個係每個女人嘅心聲。明明望住乜乜展拎住幾支鏡係咁影嘅「龍友」會覺得佢地好毒;但轉個頭就問你部iPhone點解影唔到人地咁嘅水準,依方面男人講極佢地都唔會明,佢地淨係覺得你唔幫佢影啲靚相,佢就冇得放上網呃Like呃心。

每當我喺FB喺IG見到啲女放咗張靚相上去,我都好佩服佢地男朋友:明明最辛苦係影咗幾廿次,搵唔同角度,甚至要趴地咁影嘅係條仔,但最後全部都係讚條女「好靚」啊,「瘦咗」啊咁,甚至吸咗幾條狗公返嚟。「下屬嘅功勞係上司嘅成就」唔止日本,原來香港都啱用。

點解人地Model影得咁靚?因為佢地有一流攝影師、頂級器材、打光燈反光板、長時間後製等等⋯⋯最重要係咩?係人地真係靚女。好多女人話男朋友影到自己臉好大、身好肥、腳好粗,然後係咁問男朋友點解影到自己咁嘅樣,但係又有冇諗過其實唔係影到你咁,而係你本身就係大肥粗?冇錯趴喺度低炒你會睇落好長腿,拎高相機商炒你塊面睇落會尖啲瘦啲,但一切都只係自欺欺人嘅假象,點解要因為依啲事而發女朋友脾氣?

你要求男朋友為咗幫你影靚相而惡補攝影技巧,但你又有冇為佢苦練下砌模型?唔單止冇啊,你連模型都唔比佢買。好啦,我公平啲用返影相做例子,有邊個女朋友試過為影得男朋友靚仔啲會瞓喺度影?你話冇儀態?啲咁男仔又唔洗要面子嘅。
男朋友唔係專業攝影師,影相各有參差係正常不過嘅事。想佢影得好少少,不妨出錢比佢趣下攝影課程,再比幾皮嘢佢買部好啲嘅相機同鏡頭試下?

如果你肯揼本嘅話,我諗你都可以有返啲要求嘅。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 168559
Date: 2017-09-12 04:58:51
Generated at: 2021-05-13 17:20:15
Permalink: https://www.vjmedia.com.hk/articles/2017/09/12/168559/其實男朋友唔係專業攝影師。