千萬不可成為「不能出軌」的男人

 

 

「不能出軌」,與「不出軌」,係兩個概念。

不出軌,只係阿叔你嘅個人選擇。
不能出軌,即係阿叔你已經無曬溝女嘅本錢、能力同埋魅力。

不出軌可以好高尚,可以好自私,可以係因為唔想愛自己嘅人傷心,可以係因為唔想承受惡名,甚至只係因為唔想煩。喺呢度唔討論太多。

然而問題在於,不能出軌代表左好多嘢。首先梗係代表你連第一條女都溝唔到,呢個唔討論。

而家唔係講緊有無錢包養N 條女,得罪講句,你無料溝女都唔好當全部女人係雞。

更關鍵嘅係,一個男人會唔會隨住年紀漸大,感情關係穩定,而變到人生無曬激情唔再精彩。

 

身體唔好?

我諗呢個真係男人最痛。自古以來都有「唔滾唔知身體好」七言金句。

人去到三十歲,身體機能就會開始明顯下降,如果後生嗰陣無操開(操練呀,下同),真係好快唔得掂。

呢個唔得掂,係方方面面嘅。例如追巴士,唔係喘唔喘氣嘅問題,係去到追唔追到嘅問題;例如昂首挺胸,唔係想唔想挺胸收腹嘅問題,而係「下乜你收左腹架喇」嘅問題;更直接嘅係,係閨房之中,有啲高難度動作,究竟個身體有無力承受先?

一個男人,如果連個身體都搞成咁,都唔好意思去滾女然後入到房發現唔係好得啦。

所以無論點忙,都要定時定量做運動。唔係叫你一定要6PACK,而係精精神神咁都好丫。

 

有女友/老婆就放棄所有社交生活同能力?

有啲女人,佔有慾好強,佢哋會將一啲好正常嘅社交生活,講到係性交生活。

呢度唔係話你有仔女仲掛住周圍踢波唔湊仔放學嘅男人,係講緊拍緊拖都唔俾你同朋友去玩嘅女人,而佢自己又會約FD 飲嘢。

感情關係安定下來,如果係要放棄曬昔日一切精彩生活,其實係好悲哀。呢個悲哀,係講緊壓抑,明明唔鍾意咁,但敢怒不敢言。

咁嘅男人,行出來同普通朋友交際,都成日睇住個電話,講真,我係你朋友都整整下唔想搵你。

 

條女講乜你都接唔到個話題?

女人就最八卦,佢會無端端問你乜嘢病點解會咁熱氣又點算呀之類,又會無端端講開乜嘢天宮一號跌落地球會死幾多人生態災難,都唔好計條女原來鍾意睇阿仙奴會同你講最新轉會消息係阿歷斯山齊士喺雲加教授嘅計謀之下賣唔出。

當一個男人事業穩定,除左工作同家庭就唔睇新野,係好大件事,人生無可能識曬所有野,一般女人唔會無理取鬧到下下好似考你是咪百科全書,但如果十個話題你一個都接唔到落去,我諗唔好話溝女,連朋友你都唔會多個啦。

 

有無禮貌?

去餐廳食野,侍應俾杯水你,好多老屎忽真係望都唔望下人,俾嗰少少錢就大爺咁,你咁樣係一定滾唔起嘅。

禮貌嘅嘢延伸開去,係識唔識尊重人,會唔會禮尚往來,男人老狗一日到黑掛喺嘴邊係講人是非,成日就只係R 人哋著數但自己又無嘢俾人,呢啲都係垃圾,最CHEAP 嘅女都唔會俾你食到。

 

回顧你嘅前半生,抬唔抬得起頭?

自信嘅嘢,係講緊,活左幾十年,係人都有得有失,回顧完呢啲得失,是咪真係有「我很好」呢份信心先?

定還是,只係一個營營役役消耗人生換取生命咁苟延殘喘?

如果連自己都唔鍾意自己,點可能會覺得有女人會鍾意你?

咁嘅人連小妹妹都睇你唔起,咁點搞呀?

 

今日起唔好再賴乜嘢甩頭髮,施丹又光頭,喬布斯生前都光左好耐頭,咪又係企出來就有股氣場?唔好再賴自己有無有錢老豆,毛澤東個孫毛新宇食開嘅女你都唔食啦。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 168745
Date: 2017-09-15 22:33:02
Generated at: 2020-02-25 09:15:38
Permalink: https://www.vjmedia.com.hk/articles/2017/09/15/168745/千萬不可成為「不能出軌」的男人