原罪

 

我女朋友有幾個好friend 既大學同學,畢左業出黎做野都有keep 住聯絡,久唔久就出黎成班女仔食飯吹水。話說有一次女朋友同佢地食完飯,番到屋企成晚咿咿唉唉,心事重重。問佢做乜,佢就話個friend阿B有感情煩惱,順便想問吓我意見。

係我開始前,首先等我客觀咁形容下阿B先:阿B大概一米六,身形略胖、皮膚黑、豬膽插蘇鼻、厚唇、長髮齊陰、大細眼、性格係比較天真活潑,行文青路線。

小弟自問就唔係太好依個類型。

「嗱,咁基本上呢阿B係公司就識左個IT部門既男仔,大家溝通左兩三個月到,有出黎食過下飯。咁阿B見個男仔又ok,傾計又有common topic(文青野)就想試下約佢出黎表白。」

「哦,咁跟住呢?」

「阿B自己作左首情詩比個男仔。」

「吓,咁撚𢦀鳩?」

我聽完之後真係忍唔住笑左出黎。寫詩示愛,傻的嗎?

係女朋友未講完個故仔,我都估到個結局之後點。

「唔駛講啦,最後梗係收左皮啦。」

「咁勁既你,咁都估到。」

唔係我勁,而係大部份人都會估到,因為阿B犯左當今社會其中一個最嚴重既罪,無錯,就係佢唔靚。我話佢𢦀鳩,唔係因為佢寫左首詩,而係因為佢係無衝量自己個樣既情況下,選擇左寫情詩示愛依個option。本身寫情詩已經唔係咁易既事,你個樣仲要唔靚,咁你即係等如玩自己。

試問,若果一個靚既文青女仔,例如好似有文青女神之稱既袁澧林,自己作左首情詩比你之餘仲同你表白,你會唔會話袁澧林做乜咁𢦀鳩寫情詩?梗係唔會啦,因為佢靚呀嘛!相反,一個唔靚既女仔,好似無論做啲乜野表白既行為,例如:情信、DIY手作、化哂妝打扮到好靚等等,一切一切都會比人批評,鄙視。難聽啲講,好似佢地連呼吸都係錯咁。

即使出黎社會做野,大家都會留意到,靚女通常都會有多啲著數,interview 又會易過啲,大workload 又會有男同事主動幫手。簡直攞正牌似靚行凶。

正所謂:Your face your fate,世界就係咁唔公平。所以女仔一定要知道自己既外貌係屬於一個乜野level,然後必須要再配合番一個啱自己既approach:
例如你個樣生得姣,你可以選擇行姣既路線,但若果你個樣生得唔靚,你仲要行姣既路線,咁邊個幫到你呀?

遺憾既係阿B唔清楚自己個樣乜野level,更加唔知自己應該行一個乜野路線……

咦,等陣,阿B都收左皮,咁女朋友仲煩啲乜呢?

「係呀,阿B都知自己可能用錯approach,咁佢近排玩緊個交友app ,依家又搵到個合眼緣既男仔,想約佢出街表白,所以佢問緊我地有無啲乜野好計。」

「咁阿B set up 個profile 有無用自己個樣做profile pic?」

「好似有呀,做乜呀?」

聽到依到,我只可以講人類總要重複同樣的錯誤.jpg。交友app 根本就係一個靠profile pic去 filter 自己鐘意既類型出黎既工具。唔通玩個交友app既時候 ,有人會識得憑個樣睇到個女仔或者男仔性格好唔好?!無非你又會聽到會有人話「嘩,依個34D大波妹一定好隨和、好孝順」?咪玩啦。

我諗十個男仔玩交友app,十個都係睇樣先。由阿B用佢自己大頭做profile pic 個剎那,其實佢個account 已經可以報銷。想係交友app 到搵真愛喎,唔係話無可能,但計我話,阿B搵到就真係「真愛」啦。

「我代表90%男性表示,你都係叫佢算吧啦。」

「喂呀你唔好咁衰啦,咁你知阿B無拍過拖,唔多唔少都會緊張啲嫁啦……咁你有乜計呀?」

有乜野計?簡單,其實唔靚既人(男同女都係)知道自己個樣唔出眾,咪唔好set咁高expectation 囉。如其擔心自己會孤獨終老,不如做番好自己,發掘自己既優點同長處,自自然會有人approach 你。自己唔知自己個樣乜野級數,對自己定位又無方向,行乜野路線又set 錯哂,好啦,到無人鍾意既時候又係到騰雞、唔開心。喂,大佬,好難搞姐,神仙都幫你唔到啦。

所以老套啲講:都係隨緣啦。

事隔一排,我又同女朋友講番起阿B。

「係喎,上次阿B約唔約到個男仔出黎呀?」

「無呀,個男仔最後無應約呀。唉,都唔知點解會咁。」

「係囉呵,點解會咁呢?」

 

作者:鑄墨

一個看透世事既閒人。

閱讀後覺得好,請多多讚好及分享~:)

其他熱門文章

  • 37.8倍的努力 by 金仔
    軟飯王依然不長進,終日無所事事,難為B小姐那時還要挺著個大肚子為了生意四處奔走,險些流產。B小姐除了要獨力支撐公司業務,還要照顧初出生的女兒,不要說人家產婦坐足一個月,飯來張口,茶來伸手,補品當飯吃的那份福氣B小姐固然享不到,她那時連喂人奶…
  • 何鴻燊過身,養和唔開心 by 白木乩
        何鴻燊喺養和都住左幾年,今日結束傳奇一生。 養和作為本港醫療旅遊業界火車頭,對維繫 […]…
  • 幸福的港女 by 金仔
    在韓國社會,當兩人到了談婚論嫁的階段,韓女之前收過的禮物可要一次過償還。因為根據韓國習俗,結婚絕對不是兩個人的事,而是兩個家庭的事。女家對這場婚事的「貢獻」絕不能少於男家。而如果女方在社會經濟地位比男家「低落」的話,為了表示對男家不嫌棄女家…
  • 【真人真事】溝女前必須學習社交(一)——我要早日出POOL 威俾啲港女睇 by 霏子
    原來,阿偉二十三年嚟都冇拍過拖,佢之前鍾意咗公司個實習生,但追求失敗。佢覺得「呢條港女」睇唔起佢,所以想搵我介紹啲「唔係港女嘅女」畀佢,早日出pool,威畀「呢條港女」睇。…
  • 你想做最後嘅反抗,定學習腿張開咁享受? by FAKE 文青
    你不知被他的兄弟蹂躪了多少次,你由初時的反抗,到慢慢接受,再到學會假裝享受,因為你知道至少他們會對你輕一點。…
  • 【塔羅個案】男教友出軌斷正求妻子原諒,原因係「呢個係神比我地嘅考驗」 by 神婆
    我身邊有啲耶教徒,好努力地做好自己;我亦見過有啲耶教徒,人地做錯野就唔得,自己做錯野但係人地唔原諒佢呢,就話人地唔「寬恕」唔「大愛」。…
歡迎讚好我們的facebook page,免費資訊源源送上。

文章資訊

ID: 168779
Date: 2017-09-16 05:41:03
Generated at: 2020-05-27 09:00:58
Permalink: https://www.vjmedia.com.hk/articles/2017/09/16/168779/原罪