為人父母師長,今日開始唔好讚小朋友「乖」

 

上次講過仔女感受到被信任,就冇咁容易反叛,做啲大人眼中唔乖嘅事。
父母講咩都say yes就係乖,但「乖」係唔係就代表「好」呢?梗係唔係啦。

做教育嘅常言道,就算責備小朋友做錯嘢,都要畀佢知道自己做錯啲咩,佢下次先唔會重複犯錯;同樣,就算稱讚小朋友,都要畀佢明白自己做啱咗啲咩。
例如「好有禮貌喎」「玩完玩具會自己執返好喎」「好幫得手喎」blahblahblah,咁樣一嚟小朋友清楚知道自己咩做得好,之後就會keep住做同一個行為,希望繼續得到稱讚;二嚟釐清返因為咩而表揚個細路,大人教小朋友嘅時候自己都清晰啲,需知道好多大人係咪都9讚個細路乖,其實純粹敷衍㗎咋。

好喇,宜家我要告白一個仆街行為。
之前都有提過我part time喺主題公園帶一啲learning program,而每次帶幼稚園group呢,中間都會畀個break佢哋食茶點嘅。
咁呢,小朋友鍾意你嘅話呢,就會分啲茶點畀你食啦,只要有第一個小朋友出現,仆街姐姐我就會用一個分貝同興奮程度都稍高嘅語氣話:「多謝你呀!XX好大方喎,姐姐好開心呀,多謝你~」每個小朋友都希望被指名道姓稱讚,所以之後我就會得到一個lunch份量嘅茶點。
姐姐係咪真係好餓呢,梗係唔係啦,況且做緊嘢都唔食得幾多,有獨立包裝嘅都會放喺袋做完嘢返office先食,姐姐為虛榮㗎咋。係呀,譴責我啦,啦啦啦。

好喇,上述呢個例子,我收到茶點嘅時候,應唔應該讚啲小朋友乖呢?梗係唔應該啦!
小朋友本身就冇責任要請我食嘢,佢係絕對可以唔大方,但如果讚佢乖,彷彿指其他冇請我食嘢嘅小朋友唔乖咁。

乜都9讚個小朋友乖,只會灌輸一個觀念畀佢——「乖=聽話」。
讚小朋友乖其實冇咩意義,除非你只想培養一個聽話嘅人形生物,小朋友會質疑大人會駁嘴駁舌先好玩先有brainstoriming㗎嘛。
但問題係世上好~~~~~多父母同老嘢都好自以為是,覺得細路唔聽自己嗰套就貼個「唔乖」嘅tag落去,而佢哋又覺得「唔乖=錯」。
你睇班高官同喺茶餐廳高談闊論批評「宜家啲後生搞搞震」嘅老友記就知。

但,偉大的人從來都不乖,佢哋嗰幾十年安穩生活,都係靠唔乖搞搞震嘅前人打拼返嚟㗎咋。

另,又係畀credit老母時間。
老母話,小朋友畀人讚乖讚得多就會上癮,就會被個「乖」字困住自己。「做人其實唔使咁乖」。

 

 

作者:一百八十呎

一百八十呎
既然有人表演瞓劏房,全天候住劏房的都是行為藝術家。

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 168785
Date: 2017-09-16 06:01:42
Generated at: 2020-07-08 22:43:06
Permalink: https://www.vjmedia.com.hk/articles/2017/09/16/168785/為人父母師長,今日開始唔好讚小朋友「乖」