好多人話辦公室係一個做嘢嘅地方，千祈唔好（亦唔應該）諗住可以係度識到好朋友，所以倘若你真係喺公司結交到好友，咁就真係要恭喜你呀，你係比較幸運嘅一個。
雖然自問唔係一個好熱衷於在工作地方交朋友的人，但係都幸運地認識到幾個好人，最重要係大家係唔同team，所以冇乜衝突。其中一個係外籍嘅西班牙人，我哋嘅友誼係由講飲講食開始。
當我知道佢係有西班牙來的時候，我就好雀躍，原因係之前一年我去過西班牙的阿利坎特 (Alicante)出席一個朋友的婚禮，當然順道留低玩幾日啦。
除了他們的婚禮，讓我念念不忘的就是去他們其中一間酒吧，食到地道的八爪魚tapas，叫Pulpo a la gallega ，之後一直搵唔返同樣嘅味道。自己亦都嘗試煮過，但我相信我將八爪魚火候拿捏得不夠準，成隻縮了水⋯
呢種傳統的西班牙菜當然難唔到我個同事，仲比咗個視頻食譜參考我參考。終於有一次佢煮完順便帶一啲俾我食，令到我非常感動，唯一係Pulpo a la gallega呢一個名我成日都讀唔到比佢笑。
自此我哋就以食會友，一有機會就約埋一齊去搵好嘢食。我哋的共同愛好就係食海鮮，而佢亦係環保愛好者，早前喺健康海洋節2017 download 咗個餐廳list，而呢個list 將會係我哋嘅這兩個月的飲食指南！（笑）
有好嘢食之餘又可以提高環保意識，何樂而不為。最重要係可以同我這好友同事講飲講食，遠離辦公室政治。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年10月11日
