文青不文,KOL 沒opinion,這就是香港。

傳媒生態 / 最新文章綜覽

 

(非當事人,相片經過處理)

 

最近返學果陣,有一個同學問我:阿sir,你咁多人follow,你有咩感覺架?

我真係唔覺得有咩值得高興。因為,我清楚知道,網路既人,搵既係娛樂,輕輕鬆鬆就ok。身為一個係大學教書既人,我都真係希望,我講既野,可以入到人既腦,會有令人有ddddd反思。

而同時,我覺得,真係有影響力既人,其實唔會俾人知道佢有影響力既。你睇下李嘉誠幾時有話過自己係KOL?

所以呢,果啲自稱KOL既人,販賣緊所謂影響力,係非常有趣既。因為,我都唔知道究竟咩人有影響力。

係網路,咩叫KOL?就係有啲人,會慢慢令你面對一個大topic,可以不斷咁無視重點,而引領群眾可以講一啲細微細眼無關痛癢既野,就叫KOL啦。

反對派本來要做既,就係要畀大家覺得施政報告係好衰既。但而家你睇返個網,whatsapp 群組加埋其他討論區,大家都係講幾錢車費。

你就知可以「帶風向」、有「做議題」既能力既泛民議員,根本唔多。鄺俊宇 Roy Kwong 拎住粒波子都搞足幾日,其他人呢?一首主打歌都拎出唔出黎見人。

 

貓店長獲批放大假,讓她可以回家好好休息,知道不少朋友紛紛寄來貓罐頭,藥房表示感激,並會把物資轉送有需要的毛孩。今天到藥房探望波子,她胃口不錯,我成功餵她吃了大半罐貓糧後,她就呼呼入睡了:)各位可以在這post留言,替波子打氣,我們會把留…

Posted by 鄺俊宇 Roy Kwong on 2017年10月14日

 

點解會搞到咁呢?

問下泛民,過去幾年點樣係網路運作?有冇整合?朋友有冇幫忙呢?以前,學民呀、黃之鋒果堆,其實都有啲用既。咁而家佢地坐晒監,佢地出黎選果陣泛民個個就當佢敵人,到佢地入獄而家都係啲本土自決算叫比較有情有義會去探下監。其他呢?

某啲泛民議員呢,佢地以為佢地搵左幾個大網媒幫佢地就帶到風向。好可惜,佢地做唔到。結果?成份施政報告,剩係我睇,都至少有三個位可以用佢地既方法大造:製造恐懼。但,點解大家都係講緊車費?

我睇到既,就係網媒既人,都係睇實某幾個可以帶風向既位,邊個可以做到野,之後就追住行。

而家幾好丫。真係好和平。車費、樓價、貓,真係好關事。政治?算吧啦。

在香港,你問文青最近在讀什麼,他們啞口無言。你問KOL對世界任何事情有沒有什麼意見,他們無語。這個香港,煞是有趣。

 

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 170734
Date: 2017-10-15 22:34:39
Generated at: 2022-08-20 13:53:23
Permalink: https://www.vjmedia.com.hk/articles/2017/10/15/170734/文青不文,kol-沒opinion,這就是香港。