點解香港無人拍《逆權司機》?不如問下個社會點對待衝咗出黎柒嗰啲人啦?

 

《逆權司機》幾好睇,但市面上嘅影評扯到香港幾時至拍得出反思雨革嘅電影就有啲怪。光州事件而家已經證實唔係一小撮別有用心嘅共產主義分子佔領軍器廠嘅暴動,而係獲定性為正義之舉,支持嘅成本始終係好廉價嘅。撐當年學生,可以炫耀自己嘅正義感,入戲院捧場,又可以顯得自己關心歷史,同香港嘅雨革根本完全唔同——除非事過境遷,香港有民主已經成為事實就話啫。

我想講嘅係,宋康昊喺朴謹惠政府張演藝黑名單上面都繼續接拍題材敏感嘅戲係好有勇氣,但世人都離唔開圍爐亦係現實。佢一方面受到打壓,一方面仍然有大量自己人覺得佢做得啱,因此佢並唔係take a very dangerous side,只係靠攏某一部分嘅國人,而且最壞情況,都唔會身敗名裂,性命不保。南韓人需要嘅骨氣,同我地香港藝人電影人比,可以話係差天共地。

所以,質疑台灣南韓都拍得出有歷史元素嘅商業片,香港點解拍唔到,其實令我好費解。台灣南韓好好醜醜都算建立咗民主制度,又已經有政黨輪替,舊史重提明顯無傷大雅。反觀香港,我地前有中共,後有新移民,身邊咁多人唔認同民主係必要,咁多人驚得罪掌權嘅共產黨,咁多人仍然覺得雨革係多此一舉,落人口實,咁多人竟然覺得六七暴動無謂多提,歷史無用,電影就算有投資者,又真係拍得雅俗共賞,根本都唔會有可觀本地票房。

南韓嘅呢種片種,先有求而後有供,社會有情緒要宣洩,電影代為轉達,於是賣座,就算最後唔破億都起碼贏到尊重同認可。香港導演為乜要一意孤行呢,佢點至會有嗰種好愛好愛香港愛到不惜一切嘅信念呢,而真係衝咗出黎柒嗰啲人,我地又點對待佢地呢。有人問,「我們要到什麼時候,才拍得出雅俗共賞的「六四」或「雨傘」電影?」我比較想代啲電影人問,what for?電影係為詮釋歷史而拍,我地正值存亡之秋,點拍?

 

作者:逆嘶亭

逆嘶亭
gnimmm.com 從自己批判對象中分裂出的一陀腐殖質。如常的年輕。如常的糜爛。如常的混亂。反常合道,雜蕪不分,撥亂不為過正。FB PAGE: http://www.facebook.com/gnimmm

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 170801
Date: 2017-10-16 22:02:05
Generated at: 2020-09-25 14:50:50
Permalink: https://www.vjmedia.com.hk/articles/2017/10/16/170801/點解香港無人拍《逆權司機》?不如問下個社會點