近來如火如荼咁由Season One開始，睇曬一連七季嘅Game of Thrones，有幾緊張好睇就唔講喇，想講下其中一個大配角。
（如果你準備睇GOT又好介意有丁點兒劇透嘅，呢篇你飛啦。）
呢個角色叫Theon Greyjoy。
佢細個嘅時候，老豆叛變但收咗皮，總之都係因為啲政治因素，就將唯一一個在生嘅仔送咗畀人哋做養子aka人質，食人哋嘅飯、接受人哋嘅教育、同人哋啲細路一齊大。
養父對佢都幾好㗎，不過佢一路都覺得自己喺呢個家族低人一等，心諗與其喺人哋度做二等公民，不如名正言順做返生父嘅正統繼承人啦，就背叛咗養大佢嘅養父家族。
但其實佢生父根本對個仔冇心，淨係畀啲豬頭骨job佢做。佢想證明自己、想威畀老豆睇喇，但點知搞到一pat屎，生父又唔鬼幫佢。搞搞下佢畀人綁架又畀人虐待，冇咗幾隻手指腳趾之餘，連條J都畀人切埋，生父知個仔變咗公公生唔到繼承人，直頭話當佢死咗。
即使Theon最終來回地獄又折返人間，終於醒覺自己應該點做，但身心都已千瘡百孔，。
點解要特別講佢呢？因為當個個要角都為自己嘅家族打生打死、爾虞我詐之際，佢係劇中對自己身分認同最模糊嘅一個角色。
而喺呢片土地成長嘅你同我，對於何謂「兩面不是人」，必定有切身嘅感受。
一路睇GOT就會明，就算（部分）香港人幾想得到生父嘅認同，但因為食咗養父嘅飯咁多年，生父點都唔會真心相信你㗎。而萬一香港冇咗利用價值，就只會變成family tree入面嘅其中一個名。
劇中Theon Greyjoy終於得到養父家族嘅原諒，亦為自己既係生父家嘅人、同為養父家嘅人呢個尷尬身分而釋懷。而最重要嘅係，佢嗰個無良心嘅生父已經死Q咗鳥。
香港人呢？冇良心嘅生父一日未死，連養隻貓佢都要理；就算為佢打生打死，佢心底都係睇你唔起。
「生父不及養父大」，GOT再一次證實呢句說話。親情不是血緣，是經歷。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年10月17日
