落入凡塵的陳帆

政治 / 最新文章綜覽

 

現任行騙長官林鄭已經是超世之傑——一位在香港活了幾十年,竟然連八達通都唔曉用,仲要屌鳩港鐵入閘機整得「唔好」的「人」,牠任命的卸責官員果然亦非比尋常,日前就爆出另一位生神仙:運防局長陳帆。

陳局長絕對係誤墮凡塵的陳帆,牠於日前電台節目中被主持問及政府是否需要檢討發車牌制度,牠居然答得出「現代年輕一群的思考和我們那一代有少少不同,即是『今天樓價飛升,我又買唔到樓,我又少少想有自己嘅空間,有時讓個軀體同靈魂可以出去遊走一下』,因此很多年輕一代買唔到樓便會去買車,因此檢討發牌需要大家協調,讓未來私家車增能理性一些。」

神奇、頂級、超卓,此人特別過謝拉特,威過威士忌,聽完膠官膠到核裂變嘅膠答案,我很理解為何牠能做膠官膠層做最膠決定而我不能——市民問車牌制度問題,牠居然突破全宇宙所有嘅盲腸,扯到年輕人買唔到樓所以買車所以香港才那麼多車。

哇靠,年輕點只係原罪,直情係死罪,就來陳帆局長閣下月經失調都關香港後生仔事,現在年輕人在職貧窮,職位朝不保夕,許多後生仔連住都住不穩,好似已經係外媒皆知嘅常識,嗚呼一香港地土生土長高薪瀆職卸責局長,居然連香港交通太擠塞通勤地獄為患,竟然都係後生仔嘅錯。

所以而家那些怪獸準家長一句「贏在射精前」其實錯唔哂,你投胎投得唔夠早嘅話,其實你呼吸心跳都係錯,換了有個廿歲細路喺鏡頭前講陳帆局長呢一番瘋人瘋語?冇人捉你入青山都拜託你自行求醫,偏偏超脫凡塵如此嘅老而不局長鳩噏幾句,慘得過佢無論有幾荒謬都好,全香港幾十張報紙和鏡頭好歹都要煞有介事報一報導。

老老實實,在下還算是後生仔,樓真係買不起也不會買,車?單車我就有一架,要入油那些?不了,供車牌照泊車燃料保險,未計早已嚴重不足的車位短缺問題,養一部車,一個月又是三幾千蚊如潑出的水,加加埋埋一定貴過每個月去日本旅行,陣間阿青年事務委員會嗰位堅離地城主地主霸權劉嗚偉委員又衝出來屌鳩你唔儲起嗰幾千蚊去供一千萬「上車盤」就唔好啦係咪?就來窮撚行步路呀,環保局長吊那星都屌柒你「你對鞋鞋底係膠做,唔環保呀,快啲返屋企攞幾條買西餅紮盒嗰條繩駁埋上吊啦,為地球叔叔出返分力,環保呀!」

得罪講句,這已經不是離唔離地嘅問題,而係呢位局長嘅腳㬹究竟是否着地。如此凡塵俗世不配擁有嘅局長,理應發還天國享清福。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 170896
Date: 2017-10-18 13:53:16
Generated at: 2021-10-21 00:31:12
Permalink: https://www.vjmedia.com.hk/articles/2017/10/18/170896/落入凡塵的陳帆