聽到「電競」兩個字，可能你會覺得「吓我輕鬆打機架咋」，所以認為「電競比賽」係一件同自己好有距離感嘅事；其實件事邊會咁小眾吖，就好似黎緊今個星期日（10月22日）喺浸會大學舉行嘅《第二屆香港大專學界電競聯賽》咁樣，唔止有電玩比賽睇，仲有唔同嘅遊戲參展商喺現場提供免費試玩添架！
呢個比賽，大家而家睇緊嘅輔仁媒體以及輔仁旗下嘅 VJ Gamer 都有份協辦，神婆我就當然會在場啦…不過就唔係做占卜，而係喺現埸幫手 LOL！以下我就同大家介紹下當日有咩活動啦～
1－RAINBOW SIX（如臨戰地嘅第一人身視點團體射擊遊戲）
2－OVERWATCH 鬥陣特攻（第一人身視點群體對戰遊戲）
3－傳說對決（手機嗰隻呀）
4－FOR HONOR（中世紀對戰遊戲）
5－FIFA 17（新鮮熱辣剛剛上市！經典擬真足球比賽）
6－GUNDAM VERSUS（喂呢隻唔駛我多介紹，動漫或高達迷應該會好期待）
咁除咗重點嘅比賽項目，當日仲有咩玩呢？當日嘅參展商如「PlayStation」以及香港知名電玩專門店「電器良品」等等都會喺現場設立攤位，提供免費遊戲試玩！
目前講住少少比大家聽先：當日有最近新興嘅「三螢幕環迴180度擬真 F1 賽車 Gear」比來場人士試玩架！
話哂係大活動，當日嘅嘉賓名單都好出色！包括（排名不分先後）鄺俊宇議員、容海恩議員、達哥、藍橘子、陶傑先生；達哥當日仲會幫比賽項目《FIFA 17》做即場旁述添！
正如一開始所講，我地搞《大專學界電競》係想向公眾推廣及介紹「電競」文化，在此再次多謝各位唔同界別嘅嘉賓都願意抽空支持我地呀！
至於大家成日見嘅 Cosplay 加打機實況主「Grace Kaori」喺比賽當日會擔任女 MC，想見吓 Grace BB 真人嘅朋友都好歡迎你到來湊熱鬧喔～
大會亦好歡迎 Cosplayer 到場一齊玩，只要喺現場登記就 OK；Valkyrie Agency Limited 喺現場劃出約 500 呎大小地方比女性 Cosplayer 作更衣之用，至於男 Cosplayer 就唔好意思了，希望能夠體諒大會只能夠開放男洗手間比你地換衫，我地已經盡力爭取，不過真係地方有限，請多多包涵！（來場 Cosplay 資料可以參考呢一度）
最後簡略一下當日資料：
《第二屆香港大專電子競技聯賽 – 總決賽》
活動日期：10月22日（日）
活動時間：10 : 00 am – 8 : 00 pm
活動地點：香港浸會大學 劉佐德伉儷多用途會堂
入場費用：全免（開放公眾入場）
以上係當日大概嘅內容！無論你係想睇比賽、想睇嘉賓、想睇 Grace、想搵我預約占卜（喂好似唔係幾好），甚至係純粹星期日放假唔知去邊都好，我地都歡迎你嘅到來～
星期日見！
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2017年10月19日
