話說今日有單新聞搞到一大堆人嗌晒救命咁款，唔講重以為世界末日。
其實，Whatsapp有分享位置功能有咩咁大件事呢？
我唔識IT 嘢，但其實唔少app 都會借用GPS 嚟判斷你嘅身處位置，喺鬼哭神號Whatsapp 新推呢個功能之前，你有冇檢查下自己其他apps 嘅存取權限先？又再退多步去睇，其實只要你連上互聯網（好似我而家咁），基本上已經完全曝露自己行蹤啦，你每個月嘅信用卡卡數都會反映出你係一個咩嘅消費者，消費愛好各種各樣，有時候你搜尋完一樣嘢，過幾刻鐘，碌下Facebook 佢都會彈返相關內容畀你啦！
一班人叫苦連天，似乎除咗「遲到」冇得掩飾之外，亦因為怕畀另一半check行蹤。講真，呢啲應用程式嘅權限，開唔開嘅控制權喺你手㗎嘛，最多你話唔開但佢背景運作其實畀返Whatsapp公司知你喺邊度咁囉，冇人迫得到你開嘅，怕啲咩，如果真係喺路上又怕咩share位置？當然呢個世界都重有fake gps幫到你手啦，唔係之前啲人點玩Pokemon Go呢？
呢個世界，好多時都係講個信字嘅啫，而建立信任係件困難嘅事，破壞信譽就好易。你講多幾次轉多個彎就到，大家都唔會信你啦，約你三點咪再遲多一兩個鐘先到囉，重叫你share咩location啊？如果對身邊人、另一半都唔信任，硬要對方share location，咁呢段關係一早已經充滿裂痕，有冇呢個新功能都遲早玩完。
所以真係唔明，有咩咁大陣仗？你話冇電視睇，大家就真係會覺得世界末日啦！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年10月19日
