拍散拖?你好多時間咩?

情愛點滴 / 最新文章綜覽

 

 

我有個friend 叫阿K,好鬼鐘意溝女。由細個讀書去到出黎做野已經拍過好多次拖,但每次都係幾個月貨仔,最長嗰個都只係拍咗一年到,硬係無一個會令佢收心養性。

有次我地成班男仔friend放咗工約出黎食飯吹水,又講起大家既近況。

「喂,阿K,你今日唔帶條女出黎?」

每次約食飯,阿K 都會例牌帶條女出黎show off,但今日罕有地竟然無。

「女?哦,你講緊上次嗰個?無咗好耐啦。」

「吓,又散?我都數唔到佢係你第幾條女啦。」

「No big deal,下次咪搵過個囉。」

講完句No big deal ,阿K 又嘻嘻哈哈咁食飯。

其實我真係唔係特別明點解有男仔仍然會鍾意拍散拖依個心態。

首先,大家要知道拍拖既結果得兩個可能性:一就係散,二就係結婚。

鐘意拍散拖既人即係代表佢地唔鐘意對住同一個伴侶咁耐,更加無諗過會同佢結婚。

從嗰啲男仔既角度出發,我斷估十個有八個一開始都唔會睇個女仔既性格好唔好,好大機會都係佢地貪新鮮,淨係會俾一啲外在既條件吸引,講白啲即係個女仔個樣靚啲呀,身型正啲呀,就會九秒九狗衝埋去溝人。

溝到手啦,仲唔嗱嗱臨搵個機會搞咗野先?而每次搞完野就好似添多咗個獎牌咁,你都唔好話唔威呀。

我明既,男仔有虛榮心,每次見到啲靚女始終都會忍唔住會心郁郁想試下自己係咪有可能征服到依啲女神,得咗既話,帶出街幾百對眼望住,身邊既friend 又會葡萄你,個感覺係爽歪歪既。

但過咗一排,覺得對得多就會無咗興趣,之後又會喺其他地方識過另外啲女仔。慢慢咁就變咗一個惡性循環,係咁換畫。

我唔會扮啲乜野道德撚係到開lecture咁砲轟嗰啲男仔,但我只係想問:

乜拍散拖你唔會覺得又煩又嘥時間咩?

如果你要溝一個人純粹因為人地個樣靚啲,咁即係你都唔係特別鐘意佢啦,咁溝黎又何必呢?更何況,你溝女都需要時間,為咗氹個女仔開心,你又要成日whatsapp,又要講電話,又成日要諗點樣去surprise 人。好啦,當你地一齊咗,你為咗氹佢入局令佢覺得你係一個100分既男友,你仍然要定期送禮物啦,出街食啲貴野啦,陪佢行街shopping等等。

依啲門面野唔係嘥錢、嘥時間咁係乜?同埋唔好唔記得,我地依家係身處喺香港,你平時番工已經番到hihi,放咗工根本無乜休息時間,依家你仲要星期六日都出去溝個你其實無乜特別興趣既女仔?小弟自問真係無咁既精力。

唔通你為咗搞個女仔,真係會去到咁盡?溫馨提示,你都只係assume 你做哂依啲所謂窩心既行為你就會有得搞野,個女仔唔俾搞你咪又係得個吉?到時真係唔知邊個玩邊個啦。

咁當然,如果個女仔同你志同道合一樣覺得拍下散拖無所謂,而佢又享受收下兵、俾人溝、得閒又可以搞下野,咁直情要賀一賀佢添啦。但我相信大部份女仔既心態都係唔想嘥自己寶貴既青春不斷拍散拖,佢地終極既目標始終係想搵一個可以長期發展既對象。

如果再極端啲,個女仔係嗰啲對拍拖好Q認真既人,咁你就真係GG。 試諗下,當你呃左人地隻豬仔之後無幾耐就話要同人分手,個女仔就會係到死纏爛打,要生要死,再日日打百幾次電話騷擾你,又或者癲到日日係你屋企樓下等你番屋企,到時你咪又係周身蟻?除非你同我講依啲情況,你一啲都唔覺得煩啦。

所以,男士們,若果你想試下拍散拖既話,我地不如放棄從道德角度出發,試下從一個investment 同 time management 既角度,去衡量一下究竟嗰個你唔想同佢長相廝守既女仔值唔值得你去用咁多寶貴既資源同時間去溝佢。

如果你同我講你係個二世祖,日日游手好閒無野做兩手fing fing,咁老友,恭喜哂,依個世界已經係屬於你既,歡迎你繼續過住荒淫既生活。

但係如果你發現自己係一個又無乜錢,日日又要番工OT既路人甲,咁我勸你都係唔好再俾煩惱自己,早啲抖吧啦。

 

作者:鑄墨

一個看透世事既閒人。

閱讀後覺得好,請多多讚好及分享~:)

其他熱門文章

  • 劉山青、劉細良,你們跟勇武割蓆,篤灰前線,你得到甚麼回報? by 左膠正垃圾
    你以為劉山青夠賤了嗎?對不起,還有一個劉細良。這個在這次運動被捧成國師之後,他的神諭一出,幾萬人追看,中環精英人人以為自己「我都有睇劉細良」,就等如跟別人說「我不是港豬」。你看看這個「國師」,如何出賣香港人?…
  • 無法成長的阿檸的距離 by 健吾
    我有一個習慣,如果有「朋友」或是圈內人叫我看一場show,我看完之後,一句話都不說,那請你們也不要再問,如若見到我,你都當見不到就好。…
  • Joey Yung is dead by Eddie
    容祖兒作為一個一線的流行歌手,早於事件發生後跪下其實一點都不意外。…
  • 100001元的故事 by 健吾
    我在課堂上,會聊日本人對「成人」的定義,其中一個,是「會冠婚葬祭的基本禮貌」。學生以為我說故事,後來我發現原來很多學生都不知道帛金的禮貌,還有人情的禮貌……就像他們不會用安全套一樣。常識,大多不常常被認識。…
  • 習慣 #手動轉 嘅人其實同藍尸差唔幾 by 爽健
    「手動轉」也是僥倖心態,公就你贏,字就我輸,「我只係 copy & paste,嗰啲好似有問題嘅部份我唔同意㗎」…
  • 【健身教練語錄(爆料編)】冇頭髮原來係咁? by 健吾
    上次約左條仔返屋企啦,佢射完之後就同我講,佢原來係做政府果陣,跟過「冇頭髮」做野。「冇頭髮」呢,原來出左名既「好處」,係「勤力」。晚晚做到十一點先走人。…
歡迎讚好我們的facebook page,免費資訊源源送上。

文章資訊

ID: 171086
Date: 2017-10-23 21:20:22
Generated at: 2019-11-21 19:48:49
Permalink: https://www.vjmedia.com.hk/articles/2017/10/23/171086/拍散拖?你好多時間咩?