【外賣仔日記】foodpanda 更新?所謂嘅「動態送餐時間」就係負15分鐘去到負30分鐘都得

 

之前蘋果副刊有篇文(其實似係鱔稿多啲), 話食物外賣平台Foodpanda(俗稱熊貓)做緊rebranding,個app更新咗,又話新增咗「即時跟蹤訂單」功能,又話加入咗好多新嘢咁。我想問下有乜嘢你係「更新」咗?之後呢篇嘢令我最罄嘅係蘋果同時用兩間公司叫同一間餐廳嘅同一款食物去做比較,然後話兩邊結果唔同,暗示到熊貓好似好啲咁。我寫呢篇嘢唔係想幫邊一間公司,亦唔係想踩低熊貓,而係想講,沒有誰比誰好。

「即時跟蹤訂單」擺明係見到其他公司有呢個功能,你加返入去你個系統入面,懶係勁咁,同iphone 8 有無線充電係同一個道理嚟,係咪應該掉返轉話你終於都有啦?另外話加入食物相片,咪又係抄人哋,uberEATS 無咩?同埋點解你個app無得預訂外賣響稍後時間先送嘅,要人上返去你個網站,同埋你有好多嘢都叫人上返去你個網站,咁我想問你個app用嚟做咩架?

你聲稱你個「動態送餐時間」加入更多資料,仲舉例話加入車手的過往表現,地區即時以及常態交通狀況等,令顯示嗰個送遞時間更加準確,蘋果嗰篇文仲話實際測試真係好過Deliveroo。我想問,你熊貓係咪顯示咗個時間響食客個app到就唔會改先?你話加咗料令送遞嗰個時間更加準確?即係係咪每遲一分鐘就響個app入面顯示嗰個時間加一分鐘呀?同埋你加咗料肯定會令你嗰個送遞時間更加準確?同埋點解唔講埋餐廳嘅出餐表現呀?因為你計唔到呀,到最後嗰時間你點加料都係廢架。

 

三間公司,每間最少有兩個外賣仔響到 😂佢連堂食都唔係點做得切 😂

Posted by 外賣仔 遊歷記 on 2017年10月22日

 

嗰日我響中環一間漢堡包店等緊出餐,同一時間三間公司嘅外賣員都響餐廳等緊出餐,每一間都最少有兩個外賣員響度等緊餐,重要有幾個人手上係有兩張外賣單,加埋現場最少有超過10張外賣單響度,仲未計嗰啲親身嚟你間鋪嘅客,你當啲餐廳係神仙嚟架?啲食物係變出嚟?現場啲外賣員嚟到都係要等呀,咁樣嘅情況你點預計到時間呀?你呢個情況可以出到個準確送餐時間比個客?

熊貓,Deliveroo,uberEATS 個外賣員app,熊貓係唯一一間有一個送貨時間響入面,嗰送貨時間係以倒數形式顯示,由一個正數嘅時間一直去到負數嘅時間(負數嘅時間即係指個單外賣嘅送遞時間比預計遲緊幾耐),但係個時間其實係廢架,同埋外賣員唔使跟嗰時間架,遲咗無後果架,熊貓嘅外賣員收到張外賣單嗰陣有時已經係負緊時間,講緊嘅係由負15分鐘去到30分鐘都有,主要原因外賣員接到張單已經負數時間嘅係因為唔夠人送呀,連搵人送外賣你都未安排到,你張外賣單快極咪餐廳煮好咗,擺響度等外賣員嚟攞,件外賣郁都無郁過,你點嚟準確時間呀?同埋有啲外賣員接到張單係已經負緊時間,去到餐廳竟然係連煮都未煮,個外賣員係乜都做唔到,只可以等餐廳出餐,睇住個時間係咁負上去,咁我想問下你如何俾到送遞時間嗰客呀?除非係咁改啦。

 

仲有,蘋果同時用兩間公司叫同一間餐廳嘅同一款食物去做比較,暗示話熊貓平啲,又快啲。蘋果你呢篇嘢接近讚到熊貓天上有地下無咁濟,然後懶係客觀去試吓叫外賣,然後話熊貓好啲,其實熊貓同袋鼠都有最低消費架,唔過最低消費條線都係要俾附加費架,只不過附加費條線熊貓係80蚊,Deliveroo係85蚊,你特登嗌80蚊嘢,唔過Deliveroo最低消費門檻,被收55蚊附加費,梗係貴過熊貓好多啦,同埋又話熊貓送貨快過Deliveroo,你寫完一篇接近同廣告無分別嘅文章之後嚟話做測試?話送貨快好多?我想講,從前有三隻蝦……

最後,我想問幾個個問題呀,如果個外賣員響運送途中倒瀉咗啲食物,個外賣員係揸電單車嘅,食物一直放咗響車尾箱,去到你面前先發現,又或者中途已經發現倒瀉咗,你估下熊貓會唔會係最快處理到?你又估下派錯咗張電單車手嘅外賣單俾步兵,搞到要外賣員佢哋要花時間處理,而令到送遞延遲,熊貓定袋鼠機會率大啲呢?你可唔可以用熊貓叫完嘢食之後再響同一張外賣單上面加嘢食?同埋我想問,熊貓,你個live cs,響邊個國家架?同埋你個cs做到即時處理?

foodpanda 係咪真係咁好?都係個句,從前有三隻蝦……

 

專題:【外賣仔日記】

 

 

關於作者:外賣仔

外賣仔

我有回應

則留言

閱讀後覺得好,請多多讚好及分享~:)

其他熱門文章

  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
歡迎讚好我們的facebook page,免費資訊源源送上。