【嚴肅文】去貓cafe 玩貓，同去夜總會玩小姐有咩分別？

其實我一路都覺得貓cafe好似夜總會，唔同既係啲富豪上去玩囡；我地上去玩貓。
所以見到某啲貓cafe只顧搵快錢，又唔幫啲貓睇醫生、做檢查、冇落場冇假放；然後見到歐洲啲夜場會幫啲囡做定期檢查、免費打針、免費贈送安全套、有落場有假期。
大佬，仲冇人性過啲龜公呀！！！

你sell服務，但服務人果個都唔掂，啲客點會返頭？
做呢啲最重要係返頭客嘛！！！

共享貓就好似出街鐘咁，「俾貴少少過埋夜囉」類似咁嘅concept，期間條囡（隻貓）係你身上R到幾多錢/禮物（罐/玩具）就係條囡（隻貓）既本事，同個場無關。

問題黎喇。
啲囡（啲貓）係場 (cafe) 入面，有咩事都有睇場（店員）幫拖（阻止不尊重/危險既行為），出左街發生咩事就真係冇人可以管到，報得警黎，條囡（隻貓）都出左事。

此外，人尚且可以表達自己既原則同需要：囡囡可以表明有啲咩可以做、有啲咩唔可以做，但係貓呢？

所以已經演變成動物權益同道德既問題喇。

作者：Su子

香港土生土長的八十後，曾立志讀好書去服務社會上最卑微的人，開始工作才發現所謂的「卑微」源於剝削，堅持在自己能力內減少不公卻漸漸明白自己的無能為力。喜歡音樂、電影、博物館、漫畫、閱讀、生物學、心理學。在營營役役的生活中，試圖在文字中找回自己。

閱讀後覺得好，請多多讚好及分享～：）