應該正視社福機構剝削藝術工作者既情況

 

如果讀者有留意香港社福服務,特別係青少年及兒童服務既部份,應該都唔難發現,個大方向已經由十幾年前流行既歷奇活動、領袖訓練轉向創意媒體、藝術發展。所以各大小社福機構旗下既社區中心都開辦愈黎愈多既藝術相關興趣班,例如各類新舊舞蹈、各種樂器、組織樂隊、話劇、手作、攝影拍攝、平面設計、唱歌等等,基本上想像得到既藝術形式都係社福界當前既寵兒。

另一方面,社福機構終於意識到自己持續多年既宣傳方式已經過時,開始向社交媒體埋手,並配合專業攝影設備同技術去製作較高質素既影像相片,以及認真搵設計師去設計宣傳品,簡單黎講就係追近市場既水平。

佢地肯進步,去搵專業人士去教授課程以及製作產品,當然係一件好事。但點解NGO係藝術工作者既眼中,往往係特別唔受歡迎呢?最主要既問題如果細分既話係兩點,第一當然係酬勞既問題,第二係要求唔合理,但其實背後就只係一個問題,就係社福機構太常用佢地既身份去提供唔合理既待遇。

「我地係社福機構,無乜錢,係畀到呢個價錢,幫幫手。」
「我地係社福機構,無乜錢,參加者係低收入人士……」
「我地係社福機構,唔係好識…….可唔可以改少少野?」
「我地係社福機構,唔係好識…….可唔可以再改少少野?」
「我地係社福機構,唔係好識…….可唔可以再改少少野?最後架啦。」
「我地係社福機構,唔係好識…….老闆睇完有啲意見,可唔可以改多少少野?」
「我地係社福機構,無乜錢,又唔係好識…可唔可以…………..」
「我地係社福機構,可唔可以幫我地design張單張……我地無乜錢架」
「我地係社福機構,可唔可以幫手黎我地典禮影相呢?」

如果你係一個freelance既藝術工作者,或多或少都會聽過咁上下既說話。百幾蚊二百蚊請你教一個鐘跳舞彈結他,三五百蚊搵你設計排版一本幾十頁既書冊,百五蚊車馬費搵你影一日相,每人一張麥記現金券請你成隊band表演3首歌,五百蚊剪條片,講明只改兩次稿,結果第一稿第二稿第三稿去到第十稿都仲有野改,呢個情況係現今既社福界就係日日發生緊。

其實社福機構又點?你地無錯係服務社會較弱勢既一群,用較低廉既價錢畀佢地接觸本來接觸唔到既野,但唔等同你地就大條道理用低廉價錢去要求專業人士提供佢地既服務。好多時提出既價錢連補足佢地既成本付出都未夠,更加唔好講每一個專業人士係成為專業之前,到底付出左幾多時間、金錢、努力、心力先可以成為獨當一面,佢地用左幾多血汗先換到一身工作用既器材,全部都係成本。

社福機構服務人群既方式,絕對唔應該係用社福包裝去剝削藝術工作者,再製造一個平靚正既模樣去吸引參加者報名。如果你需要專業既服務,就請提供合理既酬勞,如果自己機構真係無錢,我講係真無錢而唔係唔捨得個種,就搵乜乜基金乜乜集團乜乜計劃乜乜funding都好,係個啲富人既手上攞錢去津助弱勢先係正道。口頭上同青年人講追夢,講搏盡無悔,講發展潛能,然後用一個乞衣價錢去請一個活生生既追夢者,其實好肉酸,好假。

或者你又會話,啲藝術工作者可能都想義務服務社區架。我同意係會有專業人士無酬幫社區,但佢地有心犧牲自己既時間提供佢地既專業係一回事,唔代表係應份咁叫佢地無酬提供服務。

另一方面,唔同業界都會有一啲自己既慣例,例如design會改幾多次稿,再改要加錢;影相唔會畀晒成張卡你,事前傾好點交相就點交;出一場show市價大概幾錢,唔係隨便用現金券打發;唔會畀原稿你,唔好問人拎等等,唔識可以問,人地講左就請尊重,唔係同人講自己係社福機構就樣樣都想人地特事特辦。請尊重人地既付出,請尊重專業。唔再正視,NGO個名只會愈黎愈臭,一聽到你個名已經轉身走返屋企瞓覺好過。

 

關於作者:木人里

一個心地善良既仆街。

我有回應

則留言

閱讀後覺得好,請多多讚好及分享~:)

其他熱門文章

  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
歡迎讚好我們的facebook page,免費資訊源源送上。