驚聞愛徒何韻詩發爛渣錄兒歌,IQ博士主題曲主唱梅艷芳搖頭歎息

 

昨晚何韻詩於其個人Facebook Page上批評早前一條建制派議員容海恩既唱歌片段,除左形容佢大妗婆唱腔之外,更將佢同初出道既自己比較,自爆當年被分派主唱小丸子主題曲時,係發住爛渣咁錄。消息好快傳到去其已故恩師梅艷芳耳中,據報同行人士見到梅姐表情由笑轉怒。

「實在太唔專業!」梅艷芳怒道「如果當時我知道佢咁唔尊重歌曲,我一定會教訓佢。」

仲記得八九十年代至二千年頭既時候,兒歌係香港仍然有一定地位,小朋友仍然有時間返屋企睇電視,當年既卡通片兒歌,直到今時今日都仲深印腦中,好多好多地位甚高,成就非凡既歌手,都曾經唱過兒歌,當中有郭富城、劉德華、陳奕迅等等,甚至何韻詩最敬愛既恩師梅艷芳,當年都係以一曲《IQ博士》唱到街知巷聞。今日成為著名獨立歌手萬人追捧,回首過去,唔去感激當年被分派到一首令人印象深刻朗朗上口既好歌,反而用輕蔑既語氣去發洩十多年前既不滿,如何說得過去?

「我當年都未係講到唔鍾意,但我會多謝當年畀我唱《IQ博士》既人。去到今日,仍然有人哼起呢首歌,我都覺得開心架,唔通下下都叫人唱《似水流年》,唱《艷光四射》,去到咩場合都提下我人名先叫尊重我咩?」

說罷,梅艷芳拿出電話,播起《小丸子又有心事》「我呢個徒弟,歌唱得還好,但如果佢覺得唱好首歌就叫做專業,咁就唔同講法啦。」「我每首歌都由心入面希望聽眾聽得享受,所以我都用最享受既心情去唱,即使唔係每一首歌我都最鍾意。」

有時批評人地唱功唔係唔得,但居然用自己唔專業既經驗去批評一個外行人既唱功,就未免係太肉酸啦。你係歌手,人地係個議員,你去取笑人地唱功歌喉完全係捉錯用神,反而顯出自己既傲慢。

「我就已經係過左去既人,唔干涉咁多陽間事啦。希望大家生活愉快,聽好聽既歌,做個心胸廣闊既人。」

 

作者:木人里

一個心地善良既仆街。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 171409
Date: 2017-10-29 13:08:37
Generated at: 2020-10-31 18:11:41
Permalink: https://www.vjmedia.com.hk/articles/2017/10/29/171409/驚聞愛徒何韻詩發爛渣錄兒歌,iq博士主題曲主唱梅