過左十九大，當一眾時事評論員搵唔到嘢講，民建聯就為大家送上題材。
要感謝嘅係民建聯柯創盛，商台話佢想提動議，反對林鄭講公屋80萬戶夠數。
你無睇錯，三個關鍵詞：民建聯、反對、林鄭。
林鄭當選之後，以至月中發表施政報告，都俾人一個感覺，就係佢唔會將一啲可以被人鬧嘅嘢擺出來，令反對派老鼠拉龜無從入手，無嘢好反對自然無戲唱。
誰不知近日佢阿姐接連出COMBO，首先喺幼稚園外面唔中水彈轉頭就賣萌講「邊有得逼（學生睇李飛講話），咪埋眼就睇唔到」，然後又話公屋唔需要起太多，80萬戶就夠。
街工反應好快，琴日就帶埋幾十友去海富集合過橋「遊行」去政總，攞左第一波頭彩，都叫做算勤力。
誰不知原來今屆林鄭政府嘅「藏於九地之下」策略，係有PLAN B，就係必要時出動建制派議員做埋反對。
個情況就好似，人體表面同入面好多共生嘅細菌，例如乜鬼大腸桿菌呀嗰啲，正常來講佢哋會食你嘅嘢，同時間就係霸住個位，令到其他有害致病嘅細菌無地方生存。
民建聯嘅反對，我梗係唔會咁天真以為佢哋真係反檯，建制派無論點憎隔離嗰個，佢哋都要表面團結，就算反對都無可能影響管治，無可能破壞領導班子嘅威信，更唔可以牽連埋任命林鄭嘅中央政府。
呢種反對效果好簡單，就係進一步蠶食反對派嘅生存空間。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年10月30日
