今朝食早餐個陣聽到兩個MK仔傾計。
A：屌，我成個禮拜無打飛機啦，D 精谷到上隻眼到啦！
B：嘩，你谷到白內障喎！
A：下，咁咪好唔公平，得男人會白內障！
B：梗係唔係啦，俾人中出得多，谷到上眼咪一樣有，我估我都就黎有啦！
A：下？？ 〈黑人問號〉
B：無…無…無野呀，哈哈哈……
其實，白內障基本上同新城豬肉獎典禮一樣，
人人有份，永不落空，
點解咁講？首先，你要知道乜野係白內障先。
我地嘅嫩眼仔入面都有一個晶體，
佢本身好清澈好有彈性架，
隔離仲有 D 肌肉用黎調節睇近嘢，
但日子耐左，
當我地眼睛吸收得多左紫外線之後，
晶體仔就會好似我地 D 皮膚咁變黑左，
失去彈性，甚至乎生左一層層或者一條條嘅白色嘢。
光線穿過本來透明既晶體，落到視網膜，
影像變成訊號再經過視覺神經上到個腦到，
我地就可以睇到嘢。
但如果晶體混濁左，我地嘅影像咪會濛左囉。
好多人一開始有白內障，
都會覺得副眼鏡好似抹極都有一層污糟嘢咁。
情況就好似我地沖完熱水涼，
望住塊好多蒸氣既玻璃，
睇到個世界就好似有一塊膜咁樣，
一開始大家都會覺得眼鏡鏡片花左或者度數唔清，
其實有白內障之後度數都可能有變架，
但係散光變定係近視變呢，
就好視乎白內障個位置係邊到啦。
就算有左白內障都好，
都可以做個手術仔換番個晶片就搞掂架啦，
但大家都知香港個醫療系統幾大負擔架啦，
如果唔係得番一兩成視成，
公立醫院排個白內障手術都要三幾年架啦。
所以，有左白內障或者未有既，
都要有一副真正擋紫外線既太陽眼鏡，
而唔係街邊買嗰啲呀，
街邊買一百蚊同你講話擋紫外線俾你都唔信啦呀嘛！
如果你買左一副唔擋紫外線嘅太陽眼鏡，
我真係唯有恭喜你啦，點解？
因為有顏色既鏡片會令我地瞳孔放大，
結果只會令更多紫外線入到我地嘅眼仔，
對眼仔傷害大好多架！
就算係眼鏡，都一定要配個擋紫外線嘅鏡片呀！
最後，其實白內障唔止係因為紫外線嘅，
仲有其他原因例如糖尿病，遺傳又或者長期服用類固醇等，
但基本上大部份成因都係紫外線架啦！
所以，小朋友，記住啦，
白內障唔係因為身體入面啲白色嘢呀，
係因為紫外線呀！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年10月31日
