喺萬聖節,人人都係降魔師

 

萬聖節,對唔少男人嚟講係一年當中最吸引嘅節日。

吸血女、鬼護士、女喪屍,入夜嘅酒吧街通街都係女人化身而成嘅妖魔,而佢地大多數都有一個共通點:無論扮咩都好,身材一定會Show哂出嚟。臉上面係濃到冇得再濃嘅妝,身上面係唔同男人都想囡囡著嘅Cosplay衫。平日要佢地係床上面著都未必肯,今日個個都爭住著出街。

可能係節日氣氛影響,萬聖節嘅夜晚大家會玩得更放,隨便喺街搵囡囡合照係平常不過,然後利用你把口製造後續話題都易好多。就好似成條街都變咗間Club一樣,只係冇得貼住耳仔傾計。你話你唔敢同陌生講嘢?唔緊要,依一晚就算你望住一個女人眼都唔眨,冇人會話你係痴漢,佢地只會覺得自己今晚個妝化得好,揀啱角色扮,吸引到你嘅目光。總之你搵食又好,飽眼福又好,萬聖節都唔會令你失望。

望住依邊有科學怪人溝吸血女、嗰邊又有吸血鬼溝鬼護士,如果做鬼怪嘅生活晚晚都係咁,我諗天堂依個咁無聊嘅地方冇咩人會想去。等時間再夜啲,大家各自搵好目標,培養好一陣需要嘅感情,自然就要搵一個舒服嘅地方「促膝詳談」。返屋企又好、上酒店又好、甚至係附近酒吧男女廁,每個地方都上演緊一場又一場嘅大戰。望住跨下嘅女妖,每個男人都好似降魔師一樣搏哂老命收服佢,甚至開始諗定有冇時間收服埋第二隻。充滿妖怪嘅「人間煉獄」,其實都幾吸引。

你問我嗰晚去咗邊?我依啲凡人食完飯就返屋企瞓啦,打怪依啲嘢,留返喺芒亨做咪算。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 171652
Date: 2017-11-02 12:50:49
Generated at: 2021-05-13 18:01:52
Permalink: https://www.vjmedia.com.hk/articles/2017/11/02/171652/喺萬聖節,人人都係降魔師