睇反對派玩政治，真係好睇過吉村卓拍AV，佢哋真係將吉生嗰句「很想要吧」活生生咁拍出來。
點解咁講？題目嗰三個人名，一人一件好人好事。
本年三月八日，涂謹申接受港台訪問，「立法會保安事務委員會副主席涂謹申則認為，有關做法法律上和技術上可行。」
呢句嘢，無論佢之後點兜，建制派都咬住唔放，幾個月前嘅八月九日，陳健波就整左條片全段錄音咁炒作，接近七萬個views，建制派來講都算唔錯。
可能有人覺得涂生被人斷章取義好慘？咁佢嘅黨友尹兆堅就斷正喇。
口講反對，然後啲籠絡街坊嘅旅遊團呢，就照搞高鐵團。唔知呢啲咩玩法。
再來就係公民黨陳淑莊。
佢同楊岳橋兩個喺大排檔食野，飲大兩杯，就載歌載舞，拍片FB LIVE，好多likes，不亦樂乎。
唔知反對派佢哋係唔明定係明知故犯，連政黨領袖喺呢啲「危急存亡之秋」都輕佻浮躁，咁佢哋講到件事幾咁茲事體大，又講到割地唔得又損害法治又民主最黑暗，其實都係去東寶飲飲食食不遺餘力，咁其他市民跟你邊樣好呢？跟你哀香港淪陷？定係跟你今朝有酒今朝醉？
我一直都講，當建制派識玩FB 奪取輿論陣地，反對派就猩猩撫下體，玩撚猿。
建制派議員唱歌呃LIKE，粉飾太平，你班反對派，唔係無視不特止，竟然走去學；嗰邊箱，陳健波呢啲阿叔，都好好利用FB 抽你反對派水，仲做得靚條數；仲有袁國強打正旗號買燒肉請立法會記者食。
立法會討論一地兩檢無約束力議案。律政司司長請在場記者食燒肉。好似幾好食。因為好快無晒。（圖：網友m提供）#食好西
Posted by 健吾 on 2017年11月1日
反對派面對嘅十面埋伏，已經表現出無心戀戰式嘅HEA 打，除左象徵式咁拉布，其他乜都做唔到。
琴晚反對派精英盡出咁搞集會，反對一地兩檢，高峰期錄得接近二百人出席。
聽聞集會期間，佢哋發言仍然懷緬緊八年前反高鐵運動嘅浩浩蕩蕩，佢哋想當日嘅群眾都走出來。
我唔知其他人啦，我就當日有份買飯嘅。
但睇見反對派而家個款，不務正業，掛住喺FB 唱歌呃LIKE，接受訪問又亂咁講，為左籠絡街坊又表裡不一，咁其實，你地所講嘅一切乜嘢民主呀法治呀，對你地來講係擺喺咩位置？
無乜事我都係返去打機了，Overwatch 新賽季又開始，Mercy 改左版飛來飛去其實幾好用。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月2日
