點解要歌頌唔健康嘅肥屍大隻?

 

 

關於肥定瘦,近年越來越多肥人宣揚「be yourself」,有啲人會影好多展示身材嘅相,證明「肥都可以好靚」,本地最出名嘅就梗係星二代女歌手啦。

當然啲人笑鳩人肥bully人又係仆街嘅,人哋又冇搞到你,你唔鍾意就唔好睇啦,人身攻擊人哋把撚咩。

但係呢,肥唔單單係靚唔靚嘅問題,係健康嘅問題呀。

 

對上一排,因為各種各樣嘅原因,總之我就肥咗好多,個增幅係好多朋友都話我肥咗好多。我仲懷疑過係唔係甲狀腺出問題,睇完醫生似乎又唔係,應該就係單純食多咗又冇消耗返。

好啦,肥咗,個副作用唔單單係靚定唔靚,而係個人新陳代謝慢咗,容易攰咗,仲開始有啲胃酸倒流嘅情況出現,影響到喉嚨同聲帶,講嘢成日要清喉嚨又唱唔到歌。

 

啲流行icon 淨係將身型同美醜劃上關係,令大眾嘅思考同討論都聚焦喺美醜、身體自主呢啲層面上。喂但係你身體自主一回事,同時展現一種錯誤嘅健康觀念係另一回事呀。

近年啲人會開始屌模特兒行業,多年來宣揚瘦到病態嘅美,衍生咗好多病態嘅生活方式同身體;另一方面,一有傳統上覺得唔靚嘅加大碼model 出現,就好大愛要拍爛手掌咁,仲要越大碼掌聲越熱烈。

仆街啦,啲加大碼又有幾健康呀,將一個極端變成另一個極端,打完飛機之後成個風氣嘅本質有冇唔同到呀。

 

冇錯,我哋要擴闊世人對「美」嘅想像,但如果同健康抵觸的話,我諗其實冇咩討論嘅必要啦係咪呀?

 

世上嘅scale有兩種,一種係跑步比賽嗰種,有幾快跑幾快,有能力攞第一就唔好怕出風頭唔好扮嘢攞第二;一種係奶茶落方糖嗰種,一粒太淡,三粒太甜,兩粒啱啱好,亦即係中庸之道。

至於身材,好明顯係後者,BMI 同體脂率啱啱好,最靚。

 

另,
不過都係要重申,就算人哋燕瘦環肥咩身型都好,都唔係攻擊同侮辱嘅理由,畢竟我哋唔會知道每一副身體背後嘅故事。

至於欣宜最annoying 嘅唔係肥,係冇腦同做作,偷換概念將歪理變道理。呢個先係問題核心,先係佢值得被大婊特婊嘅理由。

 

 

作者:一百八十呎

一百八十呎
既然有人表演瞓劏房,全天候住劏房的都是行為藝術家。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 171945
Date: 2017-11-08 05:54:02
Generated at: 2019-08-20 23:07:32
Permalink: https://www.vjmedia.com.hk/articles/2017/11/08/171945/點解要歌頌唔健康嘅肥屍大隻?