美帝週二舉行部分州長和地方官員改選，民主黨人似乎有啲斬獲。而現實上唔少人都開始覺得侵侵都無乜唔同嘅諗法。
諗返一年前，唔少人對希拉里克林頓落敗呼天搶地，但如果當日佢贏咗，好似當年呢幅法國《快週刊》頭版打嘅飛機咁樣，今日會點呢？
首先自然國會都繼續係共和黨控制，自然大家無異議。共和黨國會對希拉里敵意，甚至係第一夫人嘅時代已經積落黎，一定唔會俾佢好過。
跟住選舉期間，已經有電郵伺服器案，仲有班加西大使館案，要挖一定有得挖。
唔好講，國會更加會用預算逼希拉里就範，克林頓任期內嘅「政府關閉」，至少會傳出威脅，會唔會真shut down就真係睇彩數。
內政不彰，同克林頓第二任期一樣，希拉里總統往往就出訪，搞外交，但會幾成功，例如中東卡達可能未必俾人孤立，其實大局未必有變，唯一一個TPP會留係入邊，但都實行需時，某個經濟泡沫似乎情況類似。
當然可能Weinstein爆玩性醜聞，第一丈夫都應該會被爆料跟進，雖然大家都知佢性格，殺傷力有限，或者有啲報紙銷量嘅。
另一大質疑就係佢個女，車路士克林頓，到底會否繼續從政。佢老公雖然係 ibanker，但係猶太人，父母都做過國會議員，無政治野心就假。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月9日
