【香港眾志特約】社運潑水節2017——首名污水濕透身——林淳軒(Derek Lam)

 

 

政治嘅嘢真係一日都嫌長,琴日嘅網絡熱話,仲係講緊雙學三子,眾志兩個保釋等上訴,同中共高層同名同姓嘅周永康就獲釋兼改名(好似係)。

今日呢,就係香港眾志大玩權鬥,一身烏卒卒嘅係由頭到眼鏡到肚腩都圓碌碌嘅林淳軒(Derek Lam)。

要研判政治形勢,梗係要研讀文本先,去圖:

 

值得細味嘅有呢幾個位:

1)違反財政處理程序——一來就開門見山講錢,重點係「處理程序」,可以點違反呢?引人遐想之餘,其實不外乎令人覺得佢偷錢/虧空/用住先遲啲填番之類嘅指控,欲蓋彌彰又「指控明確」,係潑污水嘅典型招數。

2)並無財政損失——違反程序又無損失,但又要去到免職/即時開除黨籍(眾志話係佢自己退黨,嗯),咁究竟無唔見錢又要搞到咁嚴重「處分」,可以係咩事?又係引人遐想,佢是咪偷錢/虧空/用住先遲啲填番,咁而家嘔番錢出來,無數啦,我地唔報警喇,你自己走啦。

3)即時免去常委職務/已提出退黨申請獲得批准——黨內處分來講,呢個屬於最嚴重,大佬呀,中共嗰啲貪幾億/幾十億,都係雙規咋(規定時間規定地點交待,交待咋!),你阿Derek 圓碌碌,要即刻走,唔想見到你呀。

4)對外任何行為均與本組織無關——絕情絕義啵,差在未講「華洋瓜葛關我撚事」。

5)聲明內容無提及報警處理——虧空公款係刑事,當事人無報警求助(或之後拒絕作供),執法機關當然可以堂而皇之咁話唔關我事無證據起訴乜乜乜,即係私了。問題在於,你私了左,又要公諸於世話佢財務操守有問題,即係要林圓碌碌名譽掃地,要佢唔洗再喺呢個圈立足,要佢無曬影響力(就算佢而家仲有政治檢控官司在身)。

 

政局分析(即係我吹水鳩UP 嘅時間)

正所謂「補選近了應當悔改」,泛民/社運界定當參與來年三月補選,中間嘅政治角力而家白熱化真係好正常。

代表眾志出戰港島區嘅,暫時有人指係以唔洗頭及打字隔格著稱嘅美少女周庭;另一邊廂,新東呼聲最鼎盛嘅係聽聞搞補習搵好多錢嘅香港立言創辦人張秀賢。咁當然,未計蠢蠢欲動嘅民主黨。

當中林淳軒究竟企咩位置,支持邊個呢?會唔會係佢自己想選?究竟佢做過咩,搞到自己被人搞到一身一面係呢?暫時都好難講。

但最值得深思嘅係,社運界喺13+3倡導嘅大團結反極權反政治逼害whatso7ever,去到某啲骨節眼,就會用潑污水嘅方式,公開處決疑似路線不同嘅人,手段之狠令我想起毛主席用高射砲擊落林彪架飛機(好似係)。

睇番建制派,佢地是咪無鬥爭?梗係唔係啦。我就咁睇工聯會個搞工人組織搞到肚滿腸肥嘅圓碌碌鄧家彪,都知道佢地啲明爭暗鬥啦,公民力量撐鄧家彪嗰陣,只俾佢用工聯會牌頭,唔鍾意民建聯唔鍾意到刻喺額頭;彪彪想民建聯撐自己呢,就直頭要入埋民建聯做雙重黨籍黨員,成個質子咁款。但無論點鬥點唔妥對方,建制派喺呢次補選暫時都可以擺平利益衝突,表面團結。

鳩up 完,繼續睇戲。

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 172066
Date: 2017-11-09 18:55:41
Generated at: 2020-02-24 16:50:45
Permalink: https://www.vjmedia.com.hk/articles/2017/11/09/172066/【香港眾志特約】社運潑水節2017-首名污水濕透