有一個報道，話某一個機構，聲稱做一個網上既問卷調查，去了解大學生既性生活情況。唔需要太仔細去睇，我見到有兩個數字：
（１）問卷調查話受訪者有大概１００人。
（２）問卷調查話受訪者入面有４０％人曾經係校園內啪啪啪。
係瘋狂轉載呢Ｄ咁juicy 既新聞之前，你有無問下自己以下既問題？或者你直頭去果個機構，問一問果位進行調查既負責人，究竟呢個問卷調查係咪真係科學？
當然有Ｄ人可能甚至一劈頭就會問對方究竟有無數學統計或者計量之類既學士甚至係博士學位。但係做學問既人唔應該只係一味只係掛住睇人地張證書咁stereotype 既。咁正常問其他問題可以啦掛，例如：
究竟呢個網上問卷調查點樣去保證答既人一定係你所想既抽樣框入面？屌，唔好講到咁深又話咩框呀窗喇，簡單Ｄ講，即係你點樣去確保填網上問卷既人一定係大學生呢？如果答既根本唔係大學生，或者係十年前既大學生，呢個數字，會唔會變左無咩意義呢？
第二，就算我確保網上自發填卷既人真係大學生，而且佢地亦都好誠實咁樣填番自己既真確情況，咁點樣可以保證*****隨機*****抽樣呢？當然，唔識統計既我，係唔會立亂拋Ｄ term 出黎結果俾人兇番轉頭既。我純粹知道如果一個問卷調查唔係隨機既話，個估算結果多數都係無意思既，咁解。（利申：random variable 我先唔識串呀）
尤其是我地被知悉，有１００個樣本，其實都真係幾多喎！既時候，但係現時既大學生，可能以千至萬計。點樣可以確保填既人係黎至各個大學，各個學院都有？有無將受訪者既其他資料，同埋一整個專上學生既ＰＯＯＬ去比對一下，發覺大家既屬性分布都差唔多，先拎黎用？受訪者即係點？係你地邀請佢定人地自動填？個機制會唔會變左偏向某間大學？甚至某個性別？某個Year ？
再問落去，仲有，就係有無做screening？有無outlier treatment？有無任何自己覺得有問題既卷自己delete 左？之後有無補救措施？啲問題既設計有無logic？會唔會misleading？願唔願意share 份卷俾大家睇？份卷既設計有無請教過專業人士岩唔岩統計標準？除左問報紙有報既其他問題之外，有無其他既統計結果一併列出？（sorry 我無時間去搵有無真係發左官方新聞稿）
咁退一萬步講。其實無野既。我相信一般人都好少理呢Ｄ野。都係得啖笑唶。我依家就出去做個統計調查，我抽左個陌生人，然後問佢：今晚幾點放工。佢話五點。之後，我結論係全香港人都五點放工。完。無咩事我預備定今晚ＯＴ既工作先。希望會有報紙轉載我話：
香港人工時被高估 １００％打工仔晚晚五點準時收工。啦。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月10日
