不暪大家，雖然小妹已經踏入社會一段時間，但事實是我只是在經歷第二年的全職工作生涯。點解？主要是因為工作性質的關係吧。無論如何，當工作模式轉變之後，我總覺得：即係點解香港有咁多人都捱得到咁樣返工？
在香港，工作辛勞或者OT都是常態。小妹的新公司雖然忙，但是都叫做大家準時返工放工又唔好OT呢味野，大家朝九晚五，五點就拍拍蘿袖走人：即便如此，對比起之前彈性工作的我，卻已經很不同。
以前的我工作彈性，經常11點幾12點先搭車去不同地方工作。街上人流算少，坐車亦舒服；但朝九晚五的話，卻常常面對人多擠逼、「動物大遷徙」的情況：尤其是，你會發覺街上的人，全都雙目無神成隻喪屍咁，唉其實咁早邊個會精神呀…咪又係要飲奶茶咖啡先頂得住。
而當你做左一日野，即使我算很幸運能五點放工，但返到去已經是六點，加埋要進修秘撈同男女朋友出街返教會等等（都只是得幾個鐘），其實一星期無乜幾個晚上能好好休息，或者有自己的私人時間。返左Full Time後，我自己寫篇文都無時間，而即使返到去屋企，你都淨是想成Pat泥咁攤起梳化睇TVB，因為是支力到連轉台、或者去諗下有乜好睇的力都無。而，有更多行業是「大家鬥OT」或者「大家鬥坐」的情況，就更加慘！
以往的我工作彈性，要請個假去進修／去旅行，雖然都唔係易，但只要事先安排好，都叫做唔係做唔到。
但，一般打工仔就唔係呢個story。準時返工是天經地義，做唔哂野OT又是責任所在，嘩根本極不平等！有時身體真是唔舒服但又未去到要睇醫生，都要頂硬上；射一次波都要做哂Show扮病，代價就是要俾$250的醫生費。我個人覺得，人總有唔想返工的時候，何不一年有10日「隨意假」（唔計落年假的喔），想放就放，想休就休？休息是為左要走更長的路呀！
而勞工法例中，講明「凡受僱滿一至二年，在隨後的十二月內，可享有七天有薪年假」－嘩－七日呀，真係好X多囉！得七日，咁即係如果你想去個旅行，都一定要夾紅假去，然後只是得一至兩次機會。聽講有D工，仲是頭一年唔俾請假—嘩我頂呀？請假是人權黎喎，人生並不是得工作囉。但，點解香港人會將呢種咁鳩的吃人現象講成是咩「獅子山下拼搏精神」？
然後，邊條友發明五天半工作制架！佢係咪癲架？！佢自己鐘意剝削人就算啦，仲要發明D咁既野遺害人間！皆因你五天工作，感覺就有兩日半（不知那半是如何出來的）假期，但五天半呢？感覺完全是只有星期日，然後星期日你就很悲哀的想著，明日又要上班了…簡直是悲劇…
我知應該有好多人會講，「嘩OT果D點計呀」，又或者「車我返到屋企咪又係做公司野，你已經好幸福」、好似其實我好憎自己份工—其實絕對唔係。我的工作是辛苦，但有挑戰性得黎又好玩、亦有意義—我疑惑的，是香港呢D現象根本就是變態變常態。番工是為左搵食、結果被搵食吞噬左連食都無啖好食，咁叫正常？
去得多唔同地方就知，香港其實真係走變態路線。在意大利，人均有30日的有薪假，即使是勞方都可以「奉旨放假」；在德國，工人每日有兩個鐘的Lunch Break，放Lunch時大家大搖大擺揸車返家煮野食，傾個計再返去開工。又或者，如果你工作大壓力，政府會有錢俾你去做SPA減壓；在奧地利，超市和各大商店星期日關門，大家奉旨唔使做—我想講，起呢個宇宙之中，真係有D咁的地方，唔使你做到無左自己—生活在香港，只是生存、而非生活。
香港返工，同賣身真係無分別。所以，香港點會是一個宜居的城市？點解自殺率一路高居不下？其實有好多野，根本已經是制度結構性問題。連個最高工時都一直唔願設立，偏幫吃人大財團壓榨市民，政府呀政苦，你真係可以置身事外嗎？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月18日
