你會同另一半講你嘅性史嗎?

 

喺一段美好既關係中,兩個人必須要坦誠相對。咁樣做係啱既,但毫無保留咁咩都同曬對方講,又係唔係真係一件好事呢?

有好多野,我地都可以好自在咁向對方講,但一提到性呢個對某D人黎講可能係好敏感既話題時,你又會選擇點做?將自己過往既性史一五一十咁同對方講曬出黎,對方又係咪真係可以完全接受倒?

講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。

因為萬一對方係好介意你既性史既話,聽完之後,佢會即刻有好多性幻想。唔好意思,唔係幻想佢自己同你,而係幻想你同人地。佢會幻想好多平時可能連你同佢都唔會做既招式,然後套入你同其他人度。之後,佢腦海入面會有好多畫面,好多聲音,係好多好多。諗諗下,佢唔多唔少喺心中可能會對你產生厭惡。佢心入面可能會有一部份同自己講唔洗介意呢D野,畢竟以前有過男女朋友做過愛唔係D咩大事黎(真基督徒、有處女處男情結既人例外),但佢可能始終都係阻止唔倒自己,繼續介懷落去。某D人甚至乎可能會擔心你將佢同你口中所講既嗰D人比較,然後佢心中就會產生不安既感覺,有機會為一段關係帶黎壓力。

成功左既話就話坦白完可以增加雙方喺精神上既親密度,令雙方感到兩者之間無隱瞞。但假如喺一段關係未成熟,仲係喺初期,未熟悉咁了解對方既時侯,咁快就提起呢D敏感話題,結果係會好難估,有可能會變得好難睇。所以,我都係建議,除非對方真係一再追問,好想知,你先好講。重要既係,雖然係要講,但都唔好講得咁detailed。同埋要注意番,既然係要講就講真相,盡訴對方接受範圍內既內容,千萬唔好講大話作野出黎。其他既,就放喺自己心中當做係自己既小秘密啦。

 

鍾意既請like and follow my FB page^^

 

作者:我從不穿睡裙

我從不穿睡裙
隨心寫愛情短文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 172552
Date: 2017-11-20 04:15:44
Generated at: 2020-01-26 03:37:19
Permalink: https://www.vjmedia.com.hk/articles/2017/11/20/172552/你會同另一半講你嘅性史嗎?