有云好的東西要睇，壞的東西更要睇。沒有對比，哪知優秀為何物呢？
不知道如今娛樂昌盛年代有多少年輕人睇電視，而且會睇同老套掛上等號的無綫，如果沒有睇，那讓我略述一二。
昨晚是一個台慶Show，對，這家電視台已經營運半世紀，同時，那位汪阿姐都在影藝圈做了五十年，薑是老的辣，彷彿人人買佢怕，我就大惑不解何以台慶五十年要同這老婦扯上關係，不過這並非本文重點，我想講的亦非大眾關注之「限奶令」，而是這台慶本身的鋪排就反映出電視台外強中乾。
這些年來，你講得出有幾多個大台主持？阿旦、曾志偉、阿叻、Liza、Do姐，較後生的可能要數崔建邦了，或者我算漏不少人，但來來去去都是那一撮人。昨晚一開show，就是Liza、曾志偉和阿叻引領，有前輩坐鎮當然係坐定笠六，但不放手給後生揸大旗，又如何測量他們功力？這是一大致命傷。
其二，鋪排又係曬卡士。一個表演接落一個表演，由不同較後生的藝員——已經四十都有的小生花旦擔綱，但最終目的只係想帶出幾人才濟濟，但我想話，人多不一定強勁，在這些陸續出場的流程裡面，有多少人有經常的出鏡機會？大家心知肚明。
第三，整個開場以至表演，都是咪嘴，但當中不乏唱得之人，這樣只是不尊重表演者專業。假如祈求台慶大騷萬無一失，那要藝人表演自己拿手絕活不就可以了嗎？又何須多此一舉。而且當中表演夾附之劇集主題，往往都有十年以上，炒冷飯如斯，無綫近年再無創新亦無經典了。
箇中枝節我不詳談，只多講我有看而又帶微言部分，例如男藝人表演舞蹈，跳得唔齊已經不好看，無端又來個吊到你明嘅咪嘴式打鼓，確實膠味甚濃；再者，舞蹈編排並無雄者之風，只見一眾本身威風凜凜，風度翩翩男士忽然變了陰柔之人，毫無美感可言。
其次，又搵福祿壽扮嘢，了無新意，雖然撰稿者努力糅合網上文化，但原本新潮之事都染上一陣柒味，觀眾可以完全不知「講呢啲」講緊乜，又強要劉江表演不甚擅長之「freestyle」，整段表演不值一哂，俗點講句就是「做乜鳩啫你」。
以上種種，你話無綫是否外強中乾？保守到一個地步，兼之自我審查，對新時代知啲唔知啲，最後搞出考評局式笑話：「見鬼勿O嘴，潛水怕屈機」。無論如何，似乎還是動搖不了其大台地位，成個電視業畀佢搞彎晒啦。
批評容易建設難，或者你覺得我又要睇又要屌，垃撚圾。但從電視台裡窺見社會縮影，觀察到香港淪落之因，哪管冰山一角，亦算做了善事，起碼還能辦優劣，而不至以惡俗為美啊。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月20日
