同女神拍拖,要預咗女朋友比人丁

 

依個世上冇咩係絕對,除咗男人一定係咸濕之外:靚女出街一定有一望、日本AV一定有人睇、而靠樣靠身材上位嘅女神都一定有人丁。上轉連登討論區,依頭有人話同邊個扑嘢短十年命都制,嗰頭有人覆扑得嘅馬上風都肯。做女神背負嘅除咗名氣,仲有唔知幾多白色嘅液體。

同女神拍拖好爽?諗深一層其實未必。

如果你女朋友算係靚女,我諗你都有試過對付狗公嘅經驗:明知條女有男朋友(即係你),但仲唔知醜咁一直搵機會埋身,說算女朋友已經拒絕到出哂面都「不離不棄」,直到你出現屌哂鬼先可能會避一避風頭。靚少少都搞到咁,如果你女朋友係出名少少嘅女神,即係FB或者YouTube有幾千過萬Follower的話情況只會更差,甚至會痴線到有人影丁丁圖同埋白色液體圖比自己嘅女神都時有所聞。做到咁出面嘅大有人在,而暗地裡對住你女朋友打丁亦自然大有人在。

咁就叫可怕?如果你女朋友再出名啲仲死。

如果有廣告要拍,或者有宣傳活動,靚女都係一個不可缺少嘅元素。試想像下你女朋友要著低胸短裙遊走於動漫節同行人專用區之上,而一眾龍友就用專業級相機作出多方面拍攝,而你女朋友唔單止唔可以走開,仲要笑住揮手任佢影,真係一啲都唔想發生。至於早前有個女優咀一個支持者硼爆牙,又或者嘉欣錫的神額頭依啲就更加唔好提⋯⋯

人總係自私,有邊個男人想女朋友咁樣蝕底比人?就算係工作需要都好,每次經過啲活動見到班女仔比人咁影法,我都會諗班龍友會唔會哂出嚟再作特別用途。所以話同女神拍拖都未必係好事,因為你未必接受到女朋友無時無刻比人丁嘅壓力。

好彩⋯⋯我並冇女朋友。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 172684
Date: 2017-11-22 03:56:32
Generated at: 2021-05-13 18:05:01
Permalink: https://www.vjmedia.com.hk/articles/2017/11/22/172684/同女神拍拖,要預咗女朋友比人丁