因工作關係，我成日都會對住一D社會中的弱勢社群。呢排越對得佢地多，越發覺佢地起香港注定仆硬街。起呢篇文所講的弱勢社群，真係好立雜，例如長者、智障／殘障人士、性工作者、精神病患者、劏房戶、低收入家庭、無家者、釋囚、「N無人士」等等。作為社會真真正正的最底層，佢地Suppose應該會得到一D社會的幫助。但是，無，由頭到尾都無。你以為佢地有社工會照顧？其實整個社會都只是唔想爆煲，包括社工。而真正想幫佢地的人，又往往無資源亦無能力；手就得兩隻，人又咁多，幫得幾多個？
作為弱勢社群，你希望從政府取得緩助？咁無話唔得既，但大家都知道，等得政府黎可能你命都無。好簡單，例如精神病患者在公立排期，至少等兩年。WTF？如果是Urgent Case, 兩日都俾多佢啦，仲兩年？點解香港會俾D咁涼薄的野發生？究竟政府出現左咩問題？
先由行政開始。第一，我夠膽講，打得政府工的人一定唔是想社會好、而只是想自己好，賺盡做政府工朝九晚五薪高糧準的好處，最叻就是拖或者卸膊；官場之中架床疊屋，最叻就是灑你去不同的部門度，問餐慒的再番去原點。真正想為社會好的人是唔會做政府，因為做政府行政的人只是真心為自己的一班奴民。
繼而去到立法。第二，如果大家希望從制度上作出改變，又有無可能呢？大家又唔是唔知個立法會有幾咁垃圾架啦。D議員神奇到成日曠工都無問題，喂大佬，你聽日唔準時返公司打卡都即刻俾老細鬧到仆街，但呢班議員「豆」緊市民的俸錄，成日曠工都仲有糧出？更神奇的就是居然下屆又俾你入到番去議會？？嘩真係夠哂神奇頂級超卓啦！
D議員已經夠垃圾，但諮詢市民立法的整個過程仲垃圾，香港真是將獨裁同民主的缺點都取其精華：既有獨裁的缺點（在上位者智障以致民不聊生），又有民主社會的缺點（諮詢立法過程漫長到2046都未有定案）。鑊鑊都假諮詢，人民根本就無聲出過，弱勢社群就政策根本就無從發聲。要從制度上作出改變？真係好心你咁大個人就唔好咁多幻想啦。
好啦，雖然個政府如斯垃圾，咁靠NGO社工去幫手，又點睇？講真，其實有好多都好有心，但事實真係太多野做，佢地只可以照顧到你日常所需，講咩生活素質呀、精神健康呀，真係諗都唔使諗。
而除左爆case會令到社工無法照顧到弱勢社群的真正需要外，我諗更囉命的是，香港而家的工作文化已經變左是「總之唔好上報文化」：點衰都好，總之「無人投訴同埋無人死就ok」、「唔好上報就ok」。大家只是為左保住飯碗，結果小做小錯，大家又有幾為件事好？只是唔好有邊個投訴，阻L住我收工要我寫Report。呢班弱勢社群，其實除左一D生活所需之外，更大問題是他們面臨的長期壓力，其實有不少自殺Case都是起呢個社群以內出現。有人死，只是多左個檔案咁解，可能照顧佢地的社工仲會心諗「你死就同我死遠D啦搞到我要寫Report執手尾！」於是，這些人就好似跌入左個無間地獄咁，無人幫到、無人明白、政府唔理、自生自滅。
我覺得香港真係一個好悲哀好悲哀的城市。再進一步咁諗，雖然我、或者碌緊手機的你，係無上述的人咁慘咁絕望，但日日營營役役，又何嘗唔係一個無間地獄？起呢個弱肉強食，勝者為王的都市中，真是，「你快樂過生活 我厭倦了生存」。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月28日
