【塔羅個案】問牌最緊要聽話:個客成功創業仲越做越大!

文教 / 最新文章綜覽

 

做塔羅最開心嘅情況係咩?當然就係個客開完牌、聽完建議之後認真做,然後將成功嘅故事同我分享返;平時負面嘅故事寫得多,今次同大家分享一個令我本人超級振奮嘅個案!

年中唔少朋友會黎問事業,有人想知前程,有人想知自己營營役役為咗咩?咁搵錢生活當然係主因,不過,如果可以唔駛打工,自己做老闆,甚至將自己興趣或專長演變成事業,咁就算工作辛苦,工作上得到嘅滿足感都會多啲。

William 本身做地產,因為要還大學學費又要養家,一直努力工作,三十出頭已經賺緊可觀年薪。不過,佢坦言自己並唔算特別鍾意自己份工,「純粹係賺到錢,不過無特別大滿足感。」

William 自細有個興趣,就係研究軍事模型,戰艦同模型飛機嘅嘢我當然唔熟(我只會砌高達模型⋯),但見到 William 一講起點樣用細部零件去改造模型時、嗰副眉飛色舞的模樣,我會心微笑,因為言談之中,我絕對感到佢對呢方面嘅知識同熱愛。

「屋企環境好咗,我都有積蓄,如果辭職,轉行全力做模型方面生意,可行嗎?」William 提出問題時十分緊張,而佢嘅眼神充滿住期待。咁當然,轉行創業唔係一件易事,我都擔心 William 會搵唔返而家嘅收入,但係開牌出黎,我都即刻笑出聲。

問題嘅答案,係一對正牌皇帝,正牌世界。以問事業前程成功與否嘅問題黎講,應該唔會有更好嘅牌。

不過,配合其他牌嘅建議,要壇生意成功,大前題係,William 要有破斧沉舟嘅決心,無得做住而家份工黎做,要做,就要全心全力去做。

William 當時有啲遲疑,雖然我嘅牌講到好肯定,但係如果真係搞模型而辭職嘅話,佢嘅賭注好大;一來屋企人唔太贊成,二來佢辭咗職嘅,想再入行,就一定坐唔返而家嘅位,搵唔返而家嘅人工。

「要做,就要有決心,三個月內你要決定,如果唔係,就請放棄創業念頭,專心現有工作好了。」

當時聽完我嘅建議之後,William 並無馬上回應,相信佢都有好多個人考量;而事後基於職業措守,當然我亦唔會擅自追問客人嘅近況。

兩星期前,我再次收到 William 嘅占卜預約,問題係:「業務擴展到做埋歐美市場是否好選擇」。

原來 William 真係下定決心,兩個月內完成手頭工作,完全辭職;同時同一個朋友夾份搞咗間網店,喺大陸搵廠做件,再轉售亞洲各地,服務仲包埋幫人訂模型;網站上仲會分享改造模型嘅心得,內容我睇過,圖文並茂,文字平易近人,新手都不難學習。

而喺大半年後,William 唔止賺緊錢,仲計劃將生意範圍擴闊至歐美地區。「嗰邊好多軍事模型同好架!」William 笑言,「因為偶爾會識到啲外國同好,咁我覺得有得做。」

William 嘅實力當然係事實,不過佢都絕對係幸運嘅一群,喺咁短時間內做到咁好成績,我真心佩服,亦為佢高興!不過,歐美市場就唔係佢呢一刻要做嘅事,黎緊九個月,我都建議佢按兵不動較好,「賺多啲資金先至重點出擊,花多少少時間理解嗰邊市場先,咁先包你穩賺。」

William 嘅回應令我好感動架,佢話「因為妳嘅建議,我先有決心同信心搞得成呢個生意,係好忙,但我做得好開心,」William 呢個時候拎咗盒包朱古力出黎,「小小心意,多謝妳嘅鼓勵;今次妳叫我唔好,我都會絕對信任妳。如果之後件事真係如妳所講,我再請妳食更大盒嘅朱古力!」

朱古力嘅價錢同份量並唔重要,重要嘅係 William 對我嘅信任,要知道好多時候,塔羅牌唔會問完就幫你解決問題、唔會改變命運;如果得嘅,我就唔係神婆,係神仙啦!不過,客人對我完全信任,又肯跟足建議去做,最後得到理想成果,絕對係我做呢份工嘅最大滿足。

我當時都係放棄份穩定收入嘅工作黎轉行創業架~期待 William 下次嘅好消息,老套都要講句「共勉之」!

 

【塔羅牌個案分享】(事業篇)

個客問創業,我話佢未 Ready 佢唔聽,而家蝕到入肉叫我救佢

佢話兩個月過去都未搵到工,要求我道歉

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

  • 【真人真事】「我知道怎樣讓那些女人高潮,我每一次都成功。」 by 阿痞
    阿旦講到一半,也許發現我面無表情,也沒怎麼參與對話(應該是參與不了),突然笑了一聲,吐了一口煙,一臉意味深長地盯著我道﹕「你好冷靜,真是個成熟的女生。我喜歡女生成熟。」雞皮……疙瘩……掉一地………
  • 【塔羅個案】年輕女性客戶努力儲錢,只希望將來間屋買大啲比男朋友擺Gundam by 神婆
    Cherry 由大學畢業後就開始搵我問工作方向,到而家不知不覺第五年了。出野做野無幾耐,佢經朋友介紹認識一個宅宅地嘅男朋友,兩人皆從事金融行業,人工尚算不錯,加上理財有道及各種原因,兩人加起來略有積蓄,近日男友暗示有結婚之意。…
  • 【跳樓啦】唔小心講多左 LEGO跳樓機今年殺到?! by 阿九
    LEGO 過山車熱潮都仲未減退,大家都仲諗緊點安置佢嘅情況下,喺德國嘅 LEGO 銷售網站 Brickmerg […]…
  • 香港人,返工返到傻L左 by 哈姆太狼
    話說呀輝是應屆畢業生,正在一間剛正名的大學裡面做辦公室助理。至於在前文提到他準時下班需要向上司提交合理理由,這不是我編的,而是真人真事。呀輝的工作合約是朝九晚五,但每天都要加班到七點才能下班,最重要的是加班還沒錢。「Quit左佢啦!伏工。」…
  • 女朋友話我當佢係洩欲工具 by 哈姆太狼
    最近女朋友拒絕行房,令我百思不得其解。明明思前想後也沒有得罪這位主子的地方,難道是.....「黎m呀?」我摟著她。以我的經驗,只要我抱她抱得緊緊的,總能大事化小,小事化無。「吓⋯⋯冇呀。」「咁做咩唔想呀?」「唔想咪唔想囉⋯⋯」她把頭撇到了一…
歡迎讚好我們的facebook page,免費資訊源源送上。