我同女朋友就咁喺街焗桑拿

 

 

人總係會對未試過嘅嘢充滿好奇心,而焗桑拿就係我其中一樣未試過嘅嘢。

以前睇得多鄭伊健,成日覺得叫得芬蘭浴嘅地方都龍蛇混雜;到大個終於知道芬蘭浴即係桑拿依種好普通嘅活動,但就到我女朋友覺得唔正經,怕會有啲專比男仔嘅特別服務,所以到而家我都未試過三溫暖到底有幾暖。

早幾日我女朋友突然神神秘秘咁拉咗我入房,然後用一個不懷好意嘅眼神望住我,問我想唔想同佢一齊喺個公眾地方度做啲會令人熱血沸騰嘅事。我聽完之後熱血已經開始喺個鼻流出嚟,心諗唔通佢已經唔滿足於平日喺房嘅纏綿?佢冇再表示即係想同我喺公眾地方點熱血法,只係喺我耳邊用最挑逗嘅聲線同我講「到時我會著件好性感嘅浴衣」然後就走咗去沖涼。

點解係浴衣?我冇深究,因為我已經幻想緊嗰日會幾咁刺激。

頭先同女朋友出街食飯,我緊係問下佢想去邊度做刺激的事,公眾地方係泳池定山頂。結果佢遞咗部電話比我,上面寫住個叫「沐熱乘涼Hot is Cool」嘅活動,原來鄭志剛創辦嘅Culture For Tomorrow (CFT)請咗名芬蘭設計師Ville Hara設計個「sauna kolo」,喺12月8至13日尖沙嘴文化中心露天廣場比市民免費一試芬蘭桑拿嘅吸引之處。「我預約咗兩個位架啦,到時我咪可以同你一齊著住件好性感嘅浴衣喺光天化日之下做啲會令人流哂汗嘅活動囉,係咪夠哂熱血沸騰?」

「係啊係啊,仲有個由本地得獎年輕建築師蕭國健主理嘅leong4 ting2,即係涼亭比我地抖下涼添,又冰又火你話幾爽。」我一面用好無奈嘅眼神望住女朋友,一面用返佢嘅水平陪佢搞爛GAG。雖然有啲失望件事「為何不是我想的那樣」,但喺香港難得有個咁好嘅活動唔洗錢比我地拍下拖,有桑拿又有紙鳥創作咁,總好過日日行商場啦係咪先。

「個活動就12月8先開始,但你有冇興趣今晚就做啲刺激嘅事?」食完飯出咗餐廳門口冇耐女朋友咁問我。
「咁夜仲有地方搞活動咩?」
「我買咗件情趣睡衣,全透視,刺唔刺激?」

我冇答佢,而係馬上截咗架的士,然後抱佢上車飛返屋企。

 

詳情喺度睇:https://www.culturefortomorrow.org/

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 173060
Date: 2017-11-28 17:54:26
Generated at: 2021-06-14 10:48:30
Permalink: https://www.vjmedia.com.hk/articles/2017/11/28/173060/我同女朋友就咁喺街焗桑拿