仲記唔記得玩三國志七可以帶朋友去三門峽打野戰？
三門峽喺邊呢？就係今日一個叫三門峽市嘅地方。不過就得返市名係叫三門峽，原有嘅峽谷已經變咗水庫。而我比較傾向叫個市區做返原名陜縣。
當年中共起三門峽大壩，聽晒蘇聯專家話，一改千古治河宜疏不宜堵之玉律，要閘斷黃河嚟永治黃河，仲話可以喺河渭合流處形成個超大規模嘅水庫用嚟發電。
因為預定庫區好大，好多農田，工農代表嘅中共就好好心咁以地換地，用河西、渭北嘅荒土交換秦川沃野，28萬秦人北遷。
結果，大壩落成開始蓄水，都未蓄到預定水位，就已經引發洪災，差啲連西安都浸埋。大壩急急改建，減少蓄水量，本嚟已經超資結果再使突，唔止達成唔到原有功用，仲製造咗班流民。
原來預定庫區嘅農民去到中共應許畀佢哋嘅地方，發現根本就荒蕪到點耕都嘥氣。知道庫區大幅縮水，想返去原鄉，但一方面部分耕地畀水浸過一輪開始鹽化，沃土變廢陶；另一方面呢啲土地一開始就畀地方政府收歸公有，根本就冇可能畀返佢哋。
至於黃河呢？就由會泛濫變成會斷流。
幾年之後就係文革。文革之後，中共本嚟都有撥錢撥地畀返呢班人，不過八十年代係個貪污嘅年代，地同錢都冇100%落到佢哋袋。
呢28萬秦民及其後人，睇怕到今日都有唔少人仲做緊流民……但佢哋又要準備畀人「清走」嚕。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年11月30日
