談女運動員懷疑被性侵一事——何來事件沒有為香港人帶來任何反省

 

大家仲記得個位在指羊為狗既何來嗎?將一張懷疑係狗屍既照片放上網,加上強烈譴責既言論以及訴諸權威既行動,一度令不計其數既香港人飛撲出黎用最正義凜然配合些許惡毒言論去攻擊餐廳店主,其後發現原來係冤枉左對方之後先紛紛跳船。

事件過去都未夠一個月,香港人一度面對打擊而失去信心既金晴火眼又再次出現。開講之先戴個頭盔,我唔係要譴責女懷疑受害者或者男疑犯任何一方,如果事件真係屬實,性侵者當然值得千刀萬剮,女事主當然值得尊重與同情。

我想講既係,香港人真係無係何來事件得到任何反省。直到宜家我落筆既呢一刻,我地手頭上得到既資訊有幾多?除左女事主既公開信係直接指明事件發生過程,仲有啲咩?計埋學校及政府部門既回應,女事主暫時未同警方合作既決定等等,就係咁多。係網上面一錘定音話個位男教練係禽獸又好,口臭撚話女受害者係雞又好,賤到乜都講勞資糾紛又好,看透世情講女事主年少無知到今日反口乜都好,你有咩足夠證據去下判斷,講到自己親歷其境咁?

唔係話唔可以猜測、唔可以推論,當然可以。但我地見到既唔係推測案情,而係即時定案,法庭未審香港人已經可以先判。呢樣野真係好恐怖,我一直以為喺香港講理性係常識,有證據先落判斷係基本,大家都應該知法庭一日未判都仲係無罪,我真係以為係好基本。我咁講唔係要怕跟車太貼,如果你有足夠合理證據去推測,到有真相你係錯左都好,無人會覺得係問題。

但現實係,大家一見到件事出現,就立即按自己既心情進場,見到有女生聲稱未成年時受教練侵犯,正義撚、道德高地撚、女權撚等等齊聲譴責,另一邊廂,花生友、口臭撚、連高登仔就齊聲指責女生,勞資糾紛。呢啲人係咩?真係咁關心女事主?佢地只係口痕,只係想藉住講呢件事去滿足口舌之欲,想得到道德光環,想得到存在感,想得到認同。

事件一過,人群就四散,受傷害既人就繼續受傷害。

何來事件沒有為香港人帶來任何反省。

 

延伸閱讀

何來就係活生生一個口頭正義內心仆街既人版

 

作者:木人里

一個心地善良既仆街。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 173203
Date: 2017-12-01 15:29:04
Generated at: 2020-10-31 17:59:18
Permalink: https://www.vjmedia.com.hk/articles/2017/12/01/173203/談女運動員懷疑被性侵一事-何來事件沒有為香