稻香酒家懷疑濫收茶錢,你地有無試過?

 

首先件事就係咁既:

我朋友今日中午去稻香飲茶,雖然稻香係好難食但因為佢係區內唯一一間茶樓,迫於無奈都要去食啦咁。喺中午十二點左右,當佢同家人兩個到達稻香並打算攞位既時候,稻香阿姐同佢講公司政策兩個或以下要搭檯,如果要自己開一張檯,就要收三人既茶錢先得。

朋友入座後愈諗愈奇怪,邊有話兩個人入收三個人錢咁古怪,又唔見有明文展示出黎。之後佢就打電話去稻香啲客戶服務查詢,係唔係有咁既規矩。答覆如下:早市兩個或以下需要搭檯,午市晚市都無規定,另外實際情況視乎分店。而十二時正開始就係午市時間。

呢個位置有兩個問題:首先,我朋友喺午市時間進入餐廳,係無兩個以下需要搭檯既規定,尤其現場有大概一半以上檯都係空置,更加無客人太多要搭檯分流既問題,因此當時稻香職員向佢提出需要搭檯既要求,絕對係稻香方面唔合理既錯誤。

另外,職員係提出左搭檯要求不果之後,要求我朋友付出比實際人數更多既茶位錢,先可以自己開一檯,係唔係稻香既有程序?如果係,邊度可以睇到;如果唔係,咁算唔算係濫收?

老老實實,收多一個人既茶錢唔係多,跌都跌左,但我係唔順點解一間咁大既公司可以容許咁唔合理既行為,所以希望有關方面畀我答覆我。

 

作者:木人里

一個心地善良既仆街。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 173275
Date: 2017-12-03 05:37:10
Generated at: 2020-10-30 09:31:22
Permalink: https://www.vjmedia.com.hk/articles/2017/12/03/173275/稻香酒家懷疑濫收茶錢,你地有無試過?