馬鞍山欣安邨食水有泡，東方日報隨即訪問某教育大學「專家」，稱呢啲係石灰水，報導話飲左都無害。
阿「專家」錯唔曬架，濾水廠會用石灰處理食水，點解呢？因為過濾嘅過程會落其他化學物質，過濾完之後，落「熟石灰」係為左中和水嘅酸鹼度。
然後我乜都唔講住，不如大家睇睇水務處嘅食水系統維修指引：
入面提到，「氯化石灰」。
阿「專家」，氯化石灰，同石灰，係兩樣嘢喔？
氯化石灰即係漂白粉，漂白粉嘅主要成份同你屋企樽漂白水一樣，都係叫hypochlorite（次氯酸鹽），係強力氧化劑，就係呢個氧化劑嘅能力，令佢可以殺菌。
咁身為一個讀過科學嘅人，未經過化驗，都無人可以好確切咁話嗰啲泡係乜，但就咁睇洗水箱嘅過程，可以引起咁多泡，就只有做完（5）加漂白粉，然後就跳過左（6）沖洗水箱同埋（7）排走污水，直接俾你飲 🙂
咁即係現階段，可以懷疑嘅係，啲泡係由漂白水引起的。
漂白水無害？？？？？你飲囉！
而家值得公眾關注嘅係，管理公司嘅清洗水箱程序出錯，引致食水殘留清潔劑，而出事嘅欣安邨係公屋，即係政府有監管責任。
我認為當區區議員及立法會議員應該嚴肅跟進，住戶應保留懷疑出事嘅食水作進一步化驗，而唔好乜都當無事無害！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年12月6日
