首先，由於唔係人人知咩係Lomo，所以簡單解釋下先，Lomo LC-A係一部舊相機，而家通常係一種影相方法嘅代名詞，根據維基百科所講：「Lomo代表了一種攝影體驗，隨性的、沒有任何束縛的、回歸攝影本源的影象記錄方式。其特色有過度飽和、失衡曝光、模糊等。」
即係話，你買一部Lomo相機，然後「隨性的」影相，但記住，唔係隨你嘅性，而係隨部相機嘅性！如果你買一部Diana F＋，真係周圍隨意SnapShot，我可以保證，你一筒120菲林16張，有12張你係晒唔到出黎嘅！如果你買一部Lomo’Instant，你一盒Fuji Instax有10張，有8張你係唔會對到焦的！
因為用Lomo影相就好似追緊一個唔會鐘意你嘅人咁，佢永遠唔會比你想要嘅反應你。
個Viewer永遠都對唔準，你明明想影個人，佢正中間去左旁邊棵樹
個焦距永遠唔對，明明Set左Close up，但後面D野清過晒你
個測光永遠都錯，明明鬼咁光佢開你個閃燈，明明係室內影出黎黑色一片但係佢又唔閃
個快門永遠都唔準，條死人彈弓成日彈郁部機，D相出黎全部Motion Blur！
真係好似鐘意左一個唔鐘意你嘅人咁。
WhatsApp佢永遠已讀不回雙藍剔唔理你
約佢出黎永遠遲到早走，佢嘅時間就係時間，你嘅時間就可以借左唔使還
面對住你嘅時候佢永遠都皺住眉頭，唔耐煩咁嘅樣
你送比佢嘅野佢永遠都唔會珍惜
但即使係咁，Lomo相機都仲係好多人買（包括我），點解呢？因為呢個世界就係有一堆人鐘意比人咁樣對待，佢唔係唔理你，唔係Block鳩你叫你以後唔好搵佢，但就係對你愛理不理；佢唔係完全影唔到相，但就係成功率好低，然後偶爾成功嘅時候，D相就有種不能言諭嘅藝術味。
而且，你會感覺到，透過練習，透過學習，可以提升你影到想要嘅相嘅成功率。
你會去學影相，學識咩係光圈、咩係快門、咩係ISO、咩係境深、咩係重曝，然後，你一筒120菲林16張，有14張係見得人嘅，你一盒Fuji Instax 10張，有9張係可以貼起嘅。
你努力打扮，乾淨整齊，學識點樣同人傾計，學識點樣去關心一個人，然後，佢好似有少少鐘意你，佢好似比多左反應你。
但係，咁又點？
其實你學識咁多關於影相嘅野，你明明可以用部正正經經嘅相機影D正正經經嘅相。又其實你成功脫毒，呢個世界一定有欣賞你嘅女仔。
即係咁，我覺得，Lomo嘅野，你鐘意嘅話，我講乜你都會買（即係我，買完一部又一部），但係，我想你知道，你值得得到更好，來吧，少年，跳入Leica呢個深坑吧！
【真人真事】IT 部Paul 哥，last day 教曉我的事
【扮工奇聞】被害妄想症的兩母女
唔該決定好先黎簽約
老蘭嘅初夜
【制服誘惑】點解咁多警嫂係空姐？
警察接連猝死事小，公職人員親屬示範錯誤急救方式事大。
2017年12月12日
