【外賣仔日記】竟然有間外賣平台公司,周圍打電話求人返工?!

 

 

有一間外賣平台公司響啱啱嗰個星期發生咗件好神奇嘅事,佢哋竟然打電話求人返工呀。

形容一下呢間公司先,呢隻係一隻動物,幾懶惰架,一啲都唔跳跳紮,佢哋係已經響香港提供咗食物外賣服務已經超過一年,所以呢隻動物一定係唔識飛嘅,識飛嗰隻玩外賣得半年左右,呢間公司嘅兼職員工返工時間係採用報更嘅形式,然後公司再編更嘅,所以同事報咗更都未必一定會有得返工。

呢隻動物啲員工就主要大部份都係兼職嚟,雖然佢哋有全職,但係因為外賣平台多數都只係響午市/晚市先會多人嗌外賣,所以佢哋請兼職,咁就可以令到繁忙時間有好多員工去送外賣,而非繁忙時間就無咁多人。

以前呢間公司本身就好地地嘅,啲兼職同事同公司講咗話可以返工嘅時間,佢都俾得好好,例如話有人報咗話星期三全日都可以返工嘅,又或者可以返到某一日嘅午市,公司俾返佢嗰個返工時間都好好,收入都可以叫做好好啦,佢哋就要一個禮拜前報下一個禮拜嘅更嘅,咁樣即係話如果你報咗下個禮拜話嗰個時間可以返工,咁你就會預留返相應嘅時間返工架啦,雖然最後出更表嗰陣嗰時間可能會比起你實際報上去嘅時間為小,但係出入都唔會太大,都okay嘅。而佢哋嘅人工都同同行嘅公司差唔多,所以啲同事都覺得呢份工正正常常,同埋佢出咗更表之後,公司都有啲更俾同事選擇。

但係之後就開始亂嚟啦,早排呢間公司開始亂咁派更,有人報咗話全日可以返工嘅,但係竟然只係俾佢返3個鐘,有人報咗話返某日午市,竟然最後冇俾更佢,有人話佢嗰日唔得閒唔可以返工,最後更表竟然篇咗佢更呀,好嘢呀,叫人點留時間俾佢呀。好,本身報咗更臨時有事返唔到咁點呢,你係需要進行一個請假嘅程序嘅,呢個程序簡直係垃圾,會,你一定會有方法啟動到個程序嘅,不過有好多時都係失敗嘅,咁仲叫人點做吖。仲有呀,呢一行嘅電單車車手人工一定係圍繞著$75 嘅時薪架(唔包括逐件計人工嘅uberEATS),雖然各間公司嘅人工計法都唔同,但係都係圍繞住$75 呢個數嘅(實際上時薪連件薪加埋都過100架啦),但係佢早排竟然減車手嘅時薪呀,呢一行知唔知有邊一個種族嘅員工比較多啊,就係南亞人呀,佢哋出哂名團結架啦,嗰日宣布完減人工,啲南亞車手即刻好齊心去罷工呀,呢一行罷工有幾容易呀,唔打開公司個app 打卡返工就得架啦,嗰日啲步兵係完全做到冧晒檔呀,之後可能驚得滯先至加返人工咋。同埋佢派俾啲步兵嘅單都係痴線嘅,啲路完全根本無可能用合理時間去到嘅地址,佢都係照派俾步兵做架。最重要嘅係,如果你響運送食物嗰陣出咗事,你係極難可以搵到公司協助架。以上嘅事都好多人反映過俾公司聽,如果你咩都唔做,公司當然係無反應架嘞。

慢慢一路一路差落去,啲人都開始慢慢流失,而啲人報更嘅時間開始慢慢越來越少,,因為真係預咗時間比佢,但係就無工開,啲人做到接近報到就返,報唔到就算嘅心態,由以前會有人當佢係第二份收入,到而家只係當消磨時間,你人手自然少咗啦。你單量不變,但係人手減少,啲員工咪做得好辛苦囉,咁又開始走人啦。上星期星期日晚市個時間公司員工仍然可以再事後響報完更之後再加更嘅,但係都無人肯報星期日,要有人打電話逐個逐個問,但係都無人肯,唉,唔該你諗下,究竟係邊個嘅錯呀?反省下啦。

 

專題:【外賣仔日記】

 

 

關於作者:外賣仔

外賣仔

我有回應

則留言

閱讀後覺得好,請多多讚好及分享~:)

其他熱門文章

  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
  • 【塔羅個案】個客話自己比鬼跟? by 神婆
    「同學你讀緊書?放緊暑假?有無打機睇世界盃呀?」「有呀,我場場都睇哂!」Michael 有少少激動,試過眼瞓頂唔順瞓著,所以我係咁食杯麵薯片可樂提神,肥咗幾磅。」…
  • 到底中國的外敵在想甚麼? by 蕭少滔
    太遠的不說,光從中古的宋朝說起。大家想想,即使所謂積弱成病的宋國,和遼國打了幾十年仗,其實雙方最後也是相安無事的。而遼國也好、金國也好,都好像吃得太肥太懶,宋國才忽發奇想,才有所謂聯金滅遼、後來又有聯蒙古滅金等等引火自焚的外交政策出台。而一…
歡迎讚好我們的facebook page,免費資訊源源送上。