【立法會補選】港島區民建聯寧願講狗屎都唔講陳家珮?周庭瞓喺度選都贏。

政治 / 最新文章綜覽

 

話說立會補選311近了,建制派都密鑼緊鼓咁練兵,增加街站會見居民,增加知名度,為311呢一場硬仗做好最後關頭既準備,而由於今次補選唔同過往既比例代表制,係單議席單票制度下,雙方陣營大小板塊的結合對今次選舉有決定性既影響。所以今次既選舉亦係研判陣營內部究竟係團結一致定係「即沖奶粉」——一衝就散。

喺新東選區,我睇到既建制派係眾志成城,眾星拱照鄧家彪。自新東議席出缺開始,工聯會出身既鄧家彪不斷頻頻落區,而其地新東既建制派亦同樣落力協助鄧家彪,除了民建聯吸納鄧家彪成為雙重黨籍成員,與新民黨結盟的公民力量亦為鄧家彪做多次街站宣傳,氣勢一時無兩;反觀反對派時至今日仍然為他們經篩選的初選(陳國強,2017)三名初選候選人針鋒相對,狗咬狗骨,好明顯,建制派係新東至少有個強勁勢頭,在眾星拱照既環境下希望有力漸入佳境。

 

圖:新民黨公民力量西貢區議員溫悦昌助理陳志豪。可見其宣傳品印有鄧家彪肖像及姓名

 

溫議員舉辦的地區活動亦有邀請鄧家彪表演助興

 

容海恩議員新翠辦事處開幕,亦有邀請鄧家彪出席

 

而係港島選區就幾乎與新東選區既情況相反。早係眾志內部權鬥之前,泛民早有共識港島按佢地聲稱既「政治倫理」(被雷動雷死既工黨唔屬於泛民內既政治倫理好似係)將議席「讓路」與香港眾志,在經過一輪血腥既光環爭奪戰後,之前因壓力彈左入去既周庭又彈返出黎開站,仲有一大堆被定罪既反對派人士(泛民稱「政治犯」)沿途供上人血饅頭,奪佔道德高地既同時亦收割左佔中以黎本土派既光環,民主大黨亦有派人出席宣傳其街站,藉此營造反對派必嬴既決心。

 

周庭週日在康怡的宣傳可謂精銳盡出,劉小麗、黃浩銘、陳志全、姚松炎都有到場

 

但係港島建制派仍然絲毫未動。

 

我攝於鴨脷洲邨,可見當區區議員民建聯林玉珍寧願掛BANNER 講漢字講老鼠講狗屎都唔會貼陳家珮合照

 

正如我上述講過,係單議席單票制既情況下,建制派根本冇分裂既本錢,尤其係香港島呢個中產階級林立既橋堡,極具戰略意義;要收復港島選席,除左要總動員建制派既椿腳之外,亦需要政治光譜相對較中性既候選人去吸納游離票源。

既然每選區建制派都成功協調候選人出戰,咁就應該更進一步加深合作,阻止自決派將議會成為分裂國家既宣傳平台。再者,新民黨一早就已經協助鄧家彪,按理建制派於港島亦應加強合作支持建制派既候選人。不然,今次補選建制派於港島既選情將會相當嚴峻。唔好唔記得依家周庭日日係公屋區(即係你地建制派啲票倉)擺街站,劍指基層選票,港島建制派再唔做出個氣勢既話,對今次補選同及後19年及2020年既選舉有深遠既影響。

 

 

關於作者:武士亭

漢江泄對家

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。