膠換禮物

一年容易又聖誕，例牌見到嘅會係：慫恿你消費嘅廣告、FB/IG 無限閃光彈，仲有謝師宴毒撚圖（？）

仲有一樣數漏咗…..係 交 換 禮 物！其實搞笑仔就最怕呢個環節。。。。

1. 聖誕節又名消費節，咁即係會好很多人呢段時間買嘢，雖然未至於工展會廢老餓狗搶屎嘅情況，但我都有啲經經

2. 買禮物已經難，仲要符合唔同嘅要求就難上加難！Budget、主題、實用性。。。做咩啫你？我想買嘢食做禮物呀～

3. 好嘞到真係交換禮物，梗有啲懶搞笑嘅人買埋啲騎呢嘢！你啲幽默感唔講留返喺紅館做棟篤笑唔該。 試過有朋友收到震蛋！而收到果個係毒撚嚟！唔通要人檔按摩器用咩。 利申 我的朋友不是我

4. 我最唔鍾意就係帶住面具做人，但係我係呢啲場合就局住要強顏歡笑 :”) 望住第10隻交換返嚟嘅杯，我點笑得出呀大佬

5. 話明交換禮物，當然對方可能都會唔Gur我買嘅嘢，打和啦 super

你可能會問搞笑仔，挑！你咁唔鍾意咪唔好去囉！咁。。。我認我懦弱，我畏懼。我畏懼嘅係平時約朋友咁難約，下次又唔知幾時先可以咁齊人。我畏懼冇咗呢啲咁膠但又開心嘅回憶。我畏懼我哋嘅友誼終有一日會俾生活不斷磨蝕、直至消失。

好嘞，懶感性完我都係時候起程迎合呢個消費節嘞。最後，都想同朋友講返句：與其交換禮物，不如見多幾日。 是咪好句先？

作者：搞笑仔

90後廢青，希望喺荒誕嘅社會入面，尋求想法接近嘅人聚埋一齊搞笑地認真 / 認真地搞笑。

閱讀後覺得好，請多多讚好及分享～：）