香港最後的麵包店

 

 

此從粟米斑腩無斑腩被人落charge 之後,已經過左兩年。

香港已經無晒麵包店。菠蘿包無菠蘿、老婆餅無老婆,呢啲小學生都唔講嘅爛gag,通通成為落charge嘅理由。全港3617間麵包店被起訴,執嘅執、破產嘅破產。

就係啱啱,全港最後一間麵包店正式被查封,麵包店正式絕跡。

本人作為呢間麵包店的員工,有幸見證住麵包店的嘅興衰,在此留下筆跡,立此存照。

2017年冬,粟米斑腩無斑腩被人落charge。

2018年春,大量麵包店因菠蘿包、老婆餅被起訴。許多麵包店都被罰款,幸好本店資金尚算充足,能夠支付第一筆罰款,繼續經營。由於全港只剩低一間麵包店,因此本店靠住做獨市生意,又幸得一眾網媒力棒成打卡熱點,先勉强支持住罰款的負擔。

2018年晚春,好景不尚,政府眼見本店氣焰之大,竟敢支付罰款繼續經營,於是提出加重商品說明條例嘅罰則,被立法會大比數通過。那些政客口裏說支持本店,仲話會阻止議案通過,守住關鍵一店,點知都係過左。所幸嘅係,每年元旦七一春秋二祭,本店都會接收大量市民的支持,仍然能勉强繼續經營。

而政客們開始以本土文化作包裝,爭相支持本店,並要求本店抵住壓力繼續經營。畢竟佢地始終有幫襯,亦都有幫助春秋二祭籌款,店主都唔好意思趕走佢地。

2019年春,政府發現市民雖然並唔反抗修例,但好鍾意捐錢買支持麵包店,罰款已經無辨法阻止到麵包店嘅運作。於是決定修例,令商品說明條例可以判監。政客們為左保護本土旗號,向我們保證會以必死嘅決心阻止條例通過。而市民依然熱衷購買贖罪卷,不知道修例後麵包店將會被封鋪判監。

2019年冬,法例通過嘅當日,好幾個講野唔正嘅壯漢衝入本店,夾左四五個老婆餅。付錢完畢,就立即投訴老婆餅無老婆,要求本店賠番幾個老婆比佢地。如果唔係就等住投訴坐監兼封鋪。本人同比較年輕嘅伙計上前理論,點知班制服佬就衝出黎,話接到投訴老婆餅無老婆,要求本店賠償。最後我地伙計被制服佬制服係地下,睇住班壯漢捉走左店長個女做老婆作賠償。麵包店亦被查封。至於個班政客?又去左揾另一樣本土旗號啦。

如果我地當日,無信過班政客講野,光榮結業。

結局——唔會係咁。

 

作者:緋色雪夜

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 174141
Date: 2017-12-21 04:24:58
Generated at: 2020-02-26 19:05:27
Permalink: https://www.vjmedia.com.hk/articles/2017/12/21/174141/香港最後的麵包店