「做人最緊要唔怕蝕底」真係仲難聽過粗口

 

「Brenda,係咪覺得喺度做可以學到好多嘢呢?」腦細Michael說。
「係呀呢度工作範圍都好廣。」我說。
「學多啲嘢有你著數呀,以前我出嚟打工都係咁㗎咋,而家你有人教已經好好喇。」Michael說。
「嗯。」我說,其實已經唔想再理佢。
「總之呢做人最緊要就係唔怕蝕底,咁就實無死。」Michael說,我當時直情想爆粗小佢。

永遠都有一種腦細係覺得自己高高在上,鍾意賺到盡,於是不停了剝削員工,請個80後或90後嘅同事返嚟,就以學嘢為名,叫佢一個頂十個,乜都做,仲要同佢講:「我而家畀咁多嘢你做,都係畀機會你學嘢,好難得㗎,好好珍惜。」對啱啱畢業嘅人嚟講呢招真係work嘅,因為無工作經驗,無議價能力,我都曾經好唔怕蝕底咁幫腦細搏到盡,晚晚加班到深夜仲要覺得自己學到好很多嘢,賺咗。

到你做多幾年嘢,你就會發現有啲腦細真係可以好賤,自己賺大錢但係少少都唔會分畀員工,工作不停加但係人工就只係加咗丁屎咁多,都唔知追唔追到通脹,甚至再衰啲唔加添!因為要同公司共度時艱,但係公司好景嗰時又唔會同員工分享成果㗎喎,你知啦而家物價上漲,出街食碗雲吞麵(X記,自己估)都可以好貴,仲要唔好食添,真係生活艱難!

「下!又有多個人辭職?唔係掛。」我驚訝地說。
「係呀都知你辛苦㗎喇,暫時頂住先啦,叫人事部請緊人㗎喇。」Michael說。
「無人嚟見工咩?都好耐喇喎。」我說。
「好少,就算有都唔適合,咁請嚟都無用啦。」Michael說。

其實我成日都覺得請唔到人只係公司大條道理削減人力資員嘅藉口,我知,年尾個個等花紅,真係會少咗人見工,但其實如果公司真係急要人,係咪應該出個好啲嘅offer呢?因為本身公司啲福利已經唔多好,無病假、無雙糧、長短周、花紅又唔保證有,但係job duties就一大抽,畀我有得揀都唔揀呢度啦。再者,其實我覺得腦細成日都係測試緊員工嘅底線,如果有人辭職其他同事係可以share到啲工作,佢就會唔請人,由得啲同事做到嘔血,反正加班又唔使補錢,又可以慳多份人工。

咁樣諗嘢嘅腦細其實好無遠見,員工做到隻狗咁,自然會對公司越來越多怨氣,如果你唔加佢哋人工或者做其他嘢安慰下,員工好容易就會對公司有離心力,講真大家打工都係為錢,唔通仲同你講人情味呀?到人哋要辭職喇,搵到好路數喇你先去加錢留人,太遲啦,然後分分鐘你要用更高嘅成本去請一個人返嚟頂替嗰個本身已經好熟手嘅人,根本係唔make sense又唔effective。所以在此奉勸各位腦細唔該對你哋嘅員工好啲,唔係遲啲新年後逃亡潮又係會走鬼晒。唉,可惜睇到我呢篇文嘅好大機會都係同我一樣畀人剝削緊嘅小奴隸,唯有對大家講句:「祝你好運」。

 

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 174436
Date: 2017-12-27 05:57:47
Generated at: 2022-12-01 17:13:39
Permalink: https://www.vjmedia.com.hk/articles/2017/12/27/174436/「做人最緊要唔怕蝕底」真係仲難聽過粗口