【立法會補選】既然任亮憲都選得港島,工黨港島唔想全滅好快啲出黎參選

政治 / 最新文章綜覽

 

上文提到,港島選戰本身以為毫無懸念的反對派與建制派兩營對壘,據最新消息所指,前社民連及人民力量成員,有「維園阿哥」之稱的任亮憲正積極考慮參選港島區補選,兩派陣營對壘的局面可能有變,以任亮憲出身背景及狙擊對象黎講,他的基本盤介乎基層至中產,政治光譜偏向民主派及對民主大黨無好感的選民,而呢一班選民於港島區確實不在少數。假若任的取態再向中間靠攏既話,工黨啲票睇怕係港島補選後鎅到乜都冇。

 

新東個位未deal 好,班人就已經同你暗渡陳倉

當新東工黨郭永健仲同緊其他飯民泥漿摔角既時候,唯獨人社立場完全寂靜,佢地聲稱尊重初選結果,但係前人社職員去港島鎅票既時候,佢地連張割席聲明都冇張,即係點?前有周庭提款機,後有阿哥鎅你票,工黨港島開了黃大仙乎?就算初選俾你deal 到出郭永健,新東雙工黨席位啦,你2020都要嘔返個席出黎,但係港島啲票你就由佢自動落戶人社?啲票走左仲識搵返你工黨?who are you?

 

單靠麥區議員攞議席你係對佢太樂觀定係玩鳩佢?

由工黨何秀蘭俾雷動炸到稀巴爛既時候,工黨港島最為人熟悉都僅僅得返西灣河麥德正,由佢掛banner 事件都知佢成個西灣河睇哂,但單靠一丁友咁樣去重奪何秀蘭個位,又唔係補選期間提高下知名度既話,到2020個陣工黨對呢位副主席充滿信心定係虎落平陽我真係唔知佢地乜play。

 

「政治倫理」定「政治輪你」

泛民話按照政治倫理應讓路俾眾志,但係雷動炸死何秀蘭個筆又點計?所謂既政治倫理又點計?工黨俾雷動玩到兩席摺埋,到之後有機會有補選就連有多一個平台宣傳既機會都要統一口徑,俾上家諸死仲要供下家莊食糊,呢啲政治倫理真係你跟埋我個份。

港島個局玩到咁,最後邊個嬴都好,對公民兩大黨都唔會有大損失,因為佢地1人1席張飛數埋夠數有突,攞到2席仲bonus 添,所以呢個補選要撐邊個佢地都無所謂,「一席已袋,理L 得你」,之但係冇席仲要跟佢地主旋律跳舞既我真係睇唔透,依家仲多條友擺明車馬鎅你票都仲跟?希望工黨有所覺悟啦~港島冇工黨代表勞工既話~有事唔通要搵梁耀忠?

 

 

關於作者:武士亭

漢江泄對家

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。