肥仔之所以肥. . . . . .

 

一睇標題,可能一大部分人會心諗,「啊屌你呀,你班肥鳩又想係到圍爐打飛機!」其實係嘅,本文主要係分析一下肥仔點解會肥,同埋肥仔係現今社會具備嘅前瞻性優勢。

本人都係肥仔一名,好明白肥喱樣野,就好似cable咁,永遠都賣唔甩,如影隨形。但唔緊要呀,而家興講身體自主呀嘛,我肥你又吹得我脹咩, I am just be myself you know?! 但話時話肥仔其實點解會咁撚肥先?

其實肥仔主要肥嘅成因都係由細個開始阿媽嘅一句無心說話所引起嘅— 「衰仔,如果你個碗啲飯食唔晒嘅話,第時就會娶個豆皮蚊雞老婆架啦。」雖然老母其實同啲9up財演無分別,但細細個童智未開,就會諗:「我老母無可能坤鳩我嘅!」自此開始,每次當阿媽裝一碗滿滿嘅飯比佢嗰陣時,佢就好感恩,大膽大膽咁爬,於是日復日,年復年,越食越鳩肥。

其實阿媽講乜佢就信啲乜,咁樣正正反映出肥仔通常都係老實人同埋孝順嘅。而孝順嘅人通常都唔衰得去邊,所以揀肥仔做男朋友或者老公簡直一流,呢一個competitive edge 係六舊腹肌都比唔到你嘅滿足。

當你係職場上遇到唔如意嘅時候一見到你嘅男朋友,所有煩惱一掃而空。

當冬天個個都要攬住條頸巾嗰陣時,你有一個肥仔男朋友企係你隔離,就好似多咗一個紅外線電暖爐咁,連手襪都唔使買。再者,即使去到AIA個嘉年華嗰度,見到人哋條仔出盡九牛二虎之力先擲到個淘寶都唔使40雞人民幣嘅垃圾大公仔嗰時,雖然你個肥仔男朋友乜撚嘢都擲唔到,但係你可以以近乎勝利嘅眼神睥睨企係你隔離嗰條MK妹,然之後緊緊咁樣攬實你個男朋友,嗰一刻嘅滿足感簡直非筆墨所能形容。

又再者去到見家長嗰陣時,肥仔絕對唔失禮。通常媽媽級嘅女人都好鍾意肥仔。第一個印象已經覺得佢夠成熟穩重,係個女可以付托終身嘅男人,自然無論公屋定私樓,都會主動夾件雞髀落你個碗度,簡直人生贏家。

當你覺得想要個靚仔男朋友嗰陣時,其實大部份肥仔都係潛力股。就好似TOP咁,一瘦落嚟就真係成個明星咁,靚仔過彭於晏,簡直搶手貨。個情況就好似係10年前啲傻閪個個爭住入返一兩手匯豐,但係你眼光獨到,淨係買一隻騰訊,到而家呢一刻相信大家都明白邊一個先係大贏家。

縱然肥仔有咁多前瞻性嘅優勢,但係佢一路謙卑,一步一步揼石仔咁樣行過嚟。係溝女來講真係算得上深耕細作,用心良苦。係新嘅一年,祝福全天下嘅肥仔都溝到女,食到好西。 Happy new year!

 

 

關於作者:何君默

全職港奴

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。