街頭社運戰神的殞落

 

感謝梁國雄長毛,感謝佢喺2009年,嗰陣我被任教學校辭退,聘請我擔任地區助理。

感謝社民連,感謝當時嘅主席黃毓民接納我的入會申請,感謝各位前黨友俾我見識一個政黨嘅戰鬥力可以有幾滂湃,感謝陶君行讓我加入佢嘅領導團隊,反高鐵、五區公投都係我喺社民連嘅回憶。

長毛出身左翼革馬盟,其後創立四五行動,縱然政治界社運界經常嘲笑他「只有四五個人去行動」,但他利用直接行動實踐社會抗爭,喺港英時代都好直接咁對指出及對抗政府嘅威權統治,係比好多好多人都要進步。四五行動梁國雄,在2000年首次參選立法會,2004年再次參選並勝出。

長毛經常掛喺口邊,佢話我之所以睇得遠,只係因為企喺巨人嘅肩膀,曾經長毛就係我眼中嘅巨人。我對他嘅認識可能好膚淺,但我曾經從心底尊敬他。我創立輔仁媒體,本身係為左幫社民連,呢個之前都講過,唔講咁多了。

09年起我擔任長毛嘅地區助理之一,自從我2013年尾離職,長毛一直無搵過我,無一個whatsapp,無一通電話,只會間中在舊照片中TAG 我,我看到提示後都會去俾LIKE 俾心心。而今日佢終於喺面書正正式式咁同我第一句說話:「容生,快D搵容小姐,勿浪費時間啊!」

 

 

當我睇到長毛對我嘅呢番叮嚀,我感覺係欣慰嘅——佢終於都有說話要同我講。

但隨之而來,就係無限嘅唏噓。

我仲記得,佢以前成日叫我地,唔好掛住網上鬧交,呢啲嘢係無意思嘅,多年後,佢喺個網度鬧我,我都對此語塞。

雨傘之後,反對派嘅不濟,反對派主力對於本土派嘅漠視,令反對勢力被各自擊破,長毛身為反對派一員大將,佢首當其衝,DQ2+4榜上有名喪失議席,雖然從理性分析,反對派都係自作孽,可是感情上,我一直都唔會對長毛多苛責,畢竟佢一直都被主流反對派邊緣化,而家只係飯民有事鍾無艷咁要長毛助陣。

「快D 搵容小姐」,的確係可以無限解讀,對我、對容小姐、對長毛有唔同諗法嘅人,自然會有唔同嘅解讀。

一個反對派政治領袖,要去到幾詞窮理屈,先要噠一個女流之輩政敵嘅朵,去試圖貶低一個佢自己嘅後輩?一個我曾經尊敬嘅人,淪為咁樣嘅網絡老鼠,問心,我唔會覺得開心。畢竟,無數獨處嘅夜晚,我曾經幻想,幻想喺一個平衡時空之下,我嘅戰鬥力係可以略對社民連有貢獻,個勢喺番反對派嗰度,喺番左翼抗爭嘅力量嗰度,咁建制仲可唔可以予取予攜?

 

輔仁媒體的成立宗旨,我一直無改過,在網站的上方就可以找到連結。我認同的價值一直無變,可是,要將我認同的價值實踐出來,無論政治局面、社會土壤或要付出的代價都不斷隨時代改變,究竟怎樣做,究竟何時,究竟與什麼人一起,才可更能實踐那些價值,我到現在都不知道。

但我知道,我身邊嘅戰友,唔係一啲自詡天下無敵,卻連戰皆北嘅人。

 

專題:【立法會補選2018】

 

關於作者:容樂其

我覺得總編輯都有得出文係常識囉!

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。