HSBC 隻Payme,會有得like 同comment

 

 

HSBC隻Payme琴日announce會加like同comment,真係非常有創意,好disruptive!呢個可能係世界第一次有人覺得俾錢係可以social,應該頒返個諾貝爾獎俾HSBC。香港創新科技有夠啦!我非常懷疑呢個咁有新意嘅idea係咪世界首屈一指嘅創科局去drive㗎?

不過等等,你問下自己你有冇轉過$120俾朋友,然後原因嗰度寫返句『一夜夫妻百二蚊』,『J數』,『叫雞錢』,『肉金』,『贖金』之類呢?如果你自己有做過,或者見過上述呢d過數,仲忍唔住笑咗,你算唔算已經buy咗過數都可以social呢個概念?以前我哋都覺得ICQ無病呻吟update status唔會有人理,結果facebook有幾多人會日日鳩叫刷存在感,又有幾多人已經變咗鳩like機器?所以,有時有d on9嘢只要唔係100% on9,係隨時會跑出㗎。有d嘢我哋呢刻諗唔到,唔代表其他人永遠都唔會諗到點用。

你難保有一日d神枱級KOL,會過幾百蚊俾一個人,然後背後有個可歌可泣嘅故事,最後竟然係廣告!普羅大眾人人圍觀俾like留言撐呀鬧呀咁,幾熱鬧呀?(FF完)

 

 

不過琴日仲有一單相關新聞,就係Telegram宣布ICO,會發行自己嘅cryptocurrency。而呢隻新coin,係用嚟做跨國轉賬嘅。由於telegram已經擁有一個好大嘅community,而佢哋亦以安全度私隱度高聞名於世,有好多玩緊crypto嘅玩家一直都用telegram嚟交流,咁telegram增加一個過數嘅功能都非常合理?比起其他唔知頭唔知路嘅細startup ICO呃人,telegram嘅可信性就更高啦。用coin transfer又避稅又匿名又平手續費,跨國轉賬就更加係快,平過傳統銀行電匯啦。嘩,銀行業就大鑊啦,以後邊個俾錢銀行去做電匯呀?

冇錯,銀行業一直被不同的cryptocurrency,epayment disrupt緊,但好似HSBC呢d大行根本就未知死,搞件又慢又膠嘅payme出嚟做local transfer,個世界係咪真係仲需要你呢?講真,過數最緊要快,我自己嘅UX嚟講,好多時create transfer都會timeout,由credit card投資出嚟就快好多。

正如其他香港慢幾拍嘅過時科技,八達通呀ewallet呀,在Apple Pay,Google Pay人人都有嘅時候,仲會唔會真係有人用呢?就算你要追落後,係明應該追最新嘅嘢,而唔係追d static QR code付款呢d擺明出事嘅老土solution呢?

 

關於作者:chiuto

chiuto

我有回應

則留言

閱讀後覺得好,請多多讚好及分享~:)

其他熱門文章

  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
  • 【塔羅個案】個客話自己比鬼跟? by 神婆
    「同學你讀緊書?放緊暑假?有無打機睇世界盃呀?」「有呀,我場場都睇哂!」Michael 有少少激動,試過眼瞓頂唔順瞓著,所以我係咁食杯麵薯片可樂提神,肥咗幾磅。」…
  • 到底中國的外敵在想甚麼? by 蕭少滔
    太遠的不說,光從中古的宋朝說起。大家想想,即使所謂積弱成病的宋國,和遼國打了幾十年仗,其實雙方最後也是相安無事的。而遼國也好、金國也好,都好像吃得太肥太懶,宋國才忽發奇想,才有所謂聯金滅遼、後來又有聯蒙古滅金等等引火自焚的外交政策出台。而一…
歡迎讚好我們的facebook page,免費資訊源源送上。