【網絡作家秘辛】接廣告原來很好賺?!你怎麼不接?

 

 

有人講:「你都傻既,條數唔係咁計喎!而家既寫手,有咗固定讀者群之後,梗係狂接廣告啦!個啲咩咩子、乜乜亞唔係接好多廣告咩?咪好似明星咁,賺死你地啦!」

我聽到整個傻眼貓咪,無言薯條。係,某程度黎講,接廣告文係有唔錯收入,而且價錢真係有作者可以開到好高都有。

但其實絕對冇你想像中咁好「賺」,的確網絡作家紅到一個地步,就會有好多廣告商經過一啲類似中介公司向你接洽叫你幫佢地賣廣告。

如果你咩都唔理,所有單都say yes接曬黎做,錢係唔少,但係唔洗一個月你就玩完。

理由好簡單,香港人有幾憎人賣廣告大家作為讀者心中有數啦?基本上每個作者紅咗接到廣告,就會有人係下面留言罵佢「變質、墜落」,見多幾篇直情unlike埋。

如果你不斷賣廣告,就算你有幾十萬讀者,都唔夠你燒一個月。到時你個page就變咗宣傳易。

 

老實講,柳臣係有接文案黎做既,而且我亦幾乎唔掩飾光明正大咁接(errrr….唔通等你包養我咩?)。

但就算接廣告,好多時都要諗過度過。上面講到既讀者流失只係其中一個情況,更多時候令我地會拒絕一單廣告既原因係真係接唔落手。

比如陳煩之前個例子,三改四改唔緊要,時間趕啦今日俾單你要你聽日起篇文俾佢啦;

你係一個愛情作家佢俾政治題目你,你寫影評既佢叫你幫佢推新出奶粉,當然唔係話淨係自己個領域先可以寫,但係太唔相干你接咗最後效果都唔會好,讀者就會覺得好奇怪;

更離奇既可能係壓價然後送贈品,送禮券當稿酬、甚至相信大家都聽過有公司會叫網絡作者免費寫稿然後登係佢地page度幫你宣傳啦!(哇!多謝曬喎!咦?乜唔係你搵我做宣傳咩?點解講到好似我搵你做宣傳咁?);

有啲就會俾啲不可能既任務你,例如:「嗱!篇文就好簡單,唔洗長,講到重點就得,最緊要爆!好似熊仔頭咁搞笑,迎合到年青人既市場嘛!隨隨便便過千like,有幾百則留言就ok。」信我,愈細既公司,愈多奇奇怪怪要求,俾幾舊水要篇文紅過熊仔頭,咁你試下直接去搵熊仔頭嘛!我呢啲成個page都冇幾千like既小作者仔幫你唔到喎!

 

再加上合作起黎太硬sell百幾字要你塞個貨品名十次、要求太強人所難、大幅刪改原文、政治立場問題、之前拖過稿費既公司......

以上情況只係講個大概,實際操作起黎會遇到更多奇奇怪怪既問題,作者就算行接廣告呢條路,淨係篩選呢一環都已經花咗大半心力。

再加上之後同廠商傾各自既要求、來回既改稿,而呢啲野如果係一間公司度,佢會有一個部門去接洽;如果係演員,佢會有自己既經理人去處理,但係網絡作者呢?佢只能夠自己攬曬上身。

結果當你開始自己接廣告,忙到分身不暇既時候,文章既水準就自然走下坡。

 

如果只靠稿費就可以生存到,邊個想接廣告?

 

去到呢度都仲未講錢既問題,唔係個個都可以接到大公司既單,寫親都一萬幾千。如果你唔係最出名個幾個網絡作家,你可能只可以收到微薄既稿酬。

一二百蚊你做唔做?你唔做你要靠什麼維持網絡作者這職業?做你要接幾多你先夠你生存?上篇文講到,網上稿費chur盡大概是$3300蚊,這下加上廣告的稿酬,嗯!不錯嘛!隨隨便便一個月接29單廣告就夠了。

這樣算下來每個月平均寫個六十篇文,當中有一半是廣告,你就能以職業網絡作者的身份活下來呢!嘩!幾好搵!

 

 

我有回應

則留言

閱讀後覺得好,請多多讚好及分享~:)

其他熱門文章

  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
歡迎讚好我們的facebook page,免費資訊源源送上。