我係搞手我係狗(一)——「你班女啲質素唔撚掂㗎喎,我點去呀?」

 

 

我叫Fayly,係一名搞手,平日會搞speed dating,逢年過節會搞大party,從中賺返少少錢,補貼下生活費。我好鍾意做搞手,可以賺錢,又可以同一大班朋友一齊玩,兩全其美。

但係,搞手呢個身份都令我受咗唔少苦。有時,我真係唔知我係一名搞手,一位媽媽生,定一隻狗。

唔知係咪我搞得speed dating多,我啲朋友有個錯覺,以為我每次搞活動都係賺錢,而且一定有靚女畀佢溝。佢地當咗我係媽媽生。

三年前,我諗住自己搞過咁多活動,幫咗唔少人出pool同拓闊社交圈子,都叫做同大家有啲交情啊。假如我只係為自己搞一個party,應該都有啲人嚟撐場掛?咁我決定喺Mc Donald搞個低成本生日會,同大家分享下生日嘅喜悅啦。哈哈,我發現我太天真啦。

我搞個生日會,係為咗同一班朋友慶祝生日,我冇諗過要幫佢地配種,都好正常啊。但係,喺我邀請班男仔friends時,有條仔竟然話:「Fayly姐,你班女啲質素唔撚掂㗎喎,我點去呀?」我嗰下真係嬲豬。我請你嚟我嘅生日會,係想你同我過生日,而唔係想你溝女,如果你只係為溝女,咁係我請錯人了。而且,我請嚟生日會嘅女,全部都係我嘅好姊妹,你咁話我啲姊妹,真係好唔尊重。仲有!我收你$120任食Mc Donald加禮物,其實真係唔會賺到你錢,你擺個大客款出嚟,你作為一位身高160cm、中六畢業、收入唔多嘅男士,期望溝到高質少女,會否有點過份呢?我唔係要踩你,但呢個世界好現實,冇返咁上下條件,但要溝高質少女,其實都唔容易,恕我太無能,幫唔到你了。

對於呢位朋友,我深感無奈,既然佢去個生日會嘅目的只係溝女,而唔係祝福我,咁我都無謂求佢參加了。所以,我放棄咗請佢。唉,或者係我嘅性格唔好啦,我本人係連一啲號召力都冇,搞個生日會都咁無奈,要好好檢討下自己先得。

我係搞手我係狗。

 

P.S. 最後條友都係出席咗生日會。

 

關於作者:霏子

霏子
Fayly .Party Host .不務正業、自甘墮落 .香港大學主修文學及文化研究

我有回應

則留言

閱讀後覺得好,請多多讚好及分享~:)

其他熱門文章

  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
  • 【塔羅個案】個客話自己比鬼跟? by 神婆
    「同學你讀緊書?放緊暑假?有無打機睇世界盃呀?」「有呀,我場場都睇哂!」Michael 有少少激動,試過眼瞓頂唔順瞓著,所以我係咁食杯麵薯片可樂提神,肥咗幾磅。」…
  • 到底中國的外敵在想甚麼? by 蕭少滔
    太遠的不說,光從中古的宋朝說起。大家想想,即使所謂積弱成病的宋國,和遼國打了幾十年仗,其實雙方最後也是相安無事的。而遼國也好、金國也好,都好像吃得太肥太懶,宋國才忽發奇想,才有所謂聯金滅遼、後來又有聯蒙古滅金等等引火自焚的外交政策出台。而一…
歡迎讚好我們的facebook page,免費資訊源源送上。