混賬點解?職工盟呢幾個星期,就解釋左畀大家知,咩叫混賬啦。

 

做人冇公關梗係死得人多,咁做政治人物冇公關,就更加死。

 

當職工盟總幹事蒙兆達話好樂意回應既時候,點解職工盟就派個秘書長李卓人上商台晴朗呢?而李卓人個回應,就好好笑既,佢話:

主持:罷工基金總共用咗三次?

李卓人:計埋碼頭果次就係三次。又指如果大家想知,我哋好歡迎任何捐款者去睇我哋嘅bank statement ,呢個基金係獨立戶口,所以一睇就睇晒,唔會同我地職工盟其他戶口混埋一齊。

主持:如果市民淨係想捐錢比海麗工人,唔係捐畀職工盟,攞返又O唔OK?

李卓人:有啲難度,但佢自己唔反對呢個機制,但首先要證明你有捐款。又話如果畀晒工人有個問題就係,我哋係團結,唔係籌款。我哋團結係支持工人罷工,唔係團結拎黎每次市民捐親錢就鋪鋪清。有工人都話自己唔想拎多個罷工津貼,其實呢個好清楚係Facebook出咗,單張出咗,每人$250 !大家諗清楚,大家淨係支持海麗定支持抗爭?海麗工人只係公民抗爭嘅其中一個行動,點解大家唔相信職工盟?歷史上我哋無挪用過勞工權益基金一分一毫!

 

李卓人好擔心,點解「香港人唔信職工盟」。好簡單,因為你好樂意說明既蒙兆達冇出現,而你出現既時候,講野又有攻擊點囉?點解要捐過錢既人先可以睇bank statement? 既然你話KOL 惡意中傷工運,點解你要捐過錢既人先睇得?原因係咩?另外,叫人捐錢既戶口,2015年曾經用黎收集尼泊爾賑災呢一點,點解唔解釋?果個根本唔係罷工基金專戶,你就話係獨立基金,咁算唔算唔誠實?

如果件事係鄭若驊做,當然係。但職工盟做呢?係電台叫幾句「歷史上我哋無挪用過勞工權益基金一分一毫!」就得?歷史可以證明咩?證明你地唔肯開月結單上網,唔肯畀核數報告(可能冇)囉。咁,仲叫得咁大聲,你知唔知咩叫公關災難?

總之,係我呢d公關仔眼中,出事既係杜振豪提出既清算名單。你以為你同友好媒體打晒眼色,呢單野剩係得輔仁同幾個KOL 講,就可以息事寧人?你下下出D都可以引發下一個災難既解釋,其實點解呢d人可以從政幾十年?香港人係咪真係咁蠢呢?

政治,係觀感既遊戲。你睇下啲人,forward (地球post)係講咩既

當劇咁追。
好好睇。
職工盟越揭越臭。
下下都打面。
大大力x!

 

呢個就係而家職工盟既形象。以後職工盟歷史上做幾多野都冇用,係網上,永遠都會殘留呢d記憶。

所以,我呢啲公關仔,都真係畀條路仔郭永健行下。

工黨郭永健,你可唔可以解釋下,點解2015年工黨會叫人捐錢去一個2017年叫人捐畀罷工基金既戶口,而唔去追問一下,條數叫人捐之前,「清空」左個戶口未呢?有冇核數報告?清唔清楚架?如果冇問,咁工黨都係好似職工盟咁混賬架?

 

作者:隨緣

八十後公關公司小卒一名,渴望有一天,只是有人按讚,我就會飽。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 175378
Date: 2018-01-15 17:54:59
Generated at: 2022-07-07 04:15:36
Permalink: https://www.vjmedia.com.hk/articles/2018/01/15/175378/混賬點解?職工盟呢幾個星期,就解釋左畀大家知